10 மில்லியன் Views வந்தால் YouTube-ல் எவ்வளவு வருமானம் கிடைக்கும்? தெரியுமா?

இன்றைய டிஜிட்டல் யுகத்தில், YouTube என்பது வீடியோக்களைப் பார்ப்பதற்கான ஒரு தளம் மட்டும் அல்ல. பலருக்கு அது முழுநேர வருமானத்திற்கான முக்கிய ஆதாரமாகவும் மாறியுள்ளது. வீட்டிலிருந்தபடியே மக்களுக்கு பயனுள்ள வீடியோக்களை தயாரித்து பதிவிட்டால், அதன்மூலம் நல்ல வருமானம் ஈட்ட முடியும் என்பதே பலரை யூடியூபின் பக்கம் இழுத்துள்ளது.

ஆனால் பலருக்கும் உள்ள பெரிய சந்தேகம் ஒன்று தான் — ஒரு வீடியோவிற்கு 10 மில்லியன் Views வந்தால் உண்மையில் எவ்வளவு பணம் கிடைக்கும்?

இதற்கான பதில், “ஒரே ஒரு நிரந்தர தொகை” என்று சொல்ல முடியாத அளவிற்கு பல காரணிகளின் மீது சார்ந்துள்ளது.

யூடியூப் கன்டென்ட் கிரியேட்டர்களுக்கு நேரடியாக பார்வைகளுக்காக பணம் கொடுப்பதில்லை. அவர்களுக்கு கிடைக்கும் வருமானம் பெரும்பாலும் விளம்பரங்கள் மூலம் தான் வருகிறது. நீங்கள் பதிவிடும் வீடியோவில் விளம்பரங்கள் காட்டப்படும்போது, பார்வையாளர்கள் அந்த விளம்பரங்களைப் பார்க்கிறார்கள் அல்லது கிளிக் செய்கிறார்கள் என்றால், அதற்கான வருவாய் கிரியேட்டருக்கு கிடைக்கும். இதையே Ad Revenue என்று அழைக்கிறார்கள்.

இந்த விளம்பர வருவாயில் CPM மற்றும் RPM என்ற இரண்டு முக்கிய அளவுகோல்கள் உள்ளன.
CPM (Cost Per Mille) என்பது, ஒரு விளம்பரதாரர் 1,000 பார்வைகளுக்கு யூடியூபுக்கு செலுத்தும் தொகை.
RPM (Revenue Per Mille) என்பது, ஒரு கிரியேட்டர் 1,000 பார்வைகளுக்கு உண்மையில் கைப்பற்றும் வருமானம்.

இந்தியாவில், பிற நாடுகளுடன் ஒப்பிடும்போது CPM குறைவாக இருப்பதால், RPM-வும் குறைவாகவே இருக்கும். அதனால் வெளிநாட்டு பார்வைகள் அதிகமாக இருந்தால் வருமானமும் அதிகமாகும்.

இந்த நிலவரப்படி, இந்தியாவில் 10 மில்லியன் (1 கோடி) Views வந்தால், சராசரியாக ஒரு கிரியேட்டர் ரூ.80,000 முதல் ரூ.2,50,000 வரை சம்பாதிக்கலாம் என்று கணிக்கப்படுகிறது. ஆனால் இது நிரந்தரமான தொகை அல்ல. சில சேனல்கள் இதைவிட குறைவாகவும், சில சேனல்கள் அதிகமாகவும் சம்பாதிக்கலாம்.

இந்த வருமானம் நீங்கள் உருவாக்கும் கன்டென்டின் வகையைப் பொறுத்தும் மாறுபடும். நிதி (Finance), தொழில்நுட்பம் (Technology), கல்வி (Education), முதலீடு போன்ற High-value content வகைகளுக்கு விளம்பர கட்டணம் அதிகமாக இருப்பதால், அவற்றில் வருமானமும் அதிகமாக இருக்கும். அதேபோல் வீடியோவின் நீளம், அதில் காட்டப்படும் விளம்பரங்களின் எண்ணிக்கை, பார்வையாளர்கள் எந்த நாட்டைச் சேர்ந்தவர்கள் என்பதும் முக்கிய பங்கு வகிக்கின்றன.

மேலும், YouTube வருமானம் AdSense-ஐ மட்டுமே சார்ந்தது இல்லை. பல பெரிய யூடியூபர்கள் விளம்பர வருவாயை விட பிராண்ட் ஒப்பந்தங்கள், ஸ்பான்சர்ஷிப்கள், Affiliate Marketing, Memberships போன்ற வழிகளிலிருந்து தான் அதிக வருமானம் ஈட்டுகின்றனர். உண்மையில், பலருக்கு பிராண்ட் டீல்களிலிருந்து கிடைக்கும் வருமானம் AdSense வருவாயை விட பல மடங்கு அதிகமாக இருக்கும்.

மொத்தத்தில், 10 மில்லியன் Views என்பது ஒரு பெரிய எண்ணிக்கை தான். ஆனால் அதனை எவ்வளவு வருமானமாக மாற்ற முடியும் என்பது, உங்கள் கன்டென்ட் தரம், பார்வையாளர்கள், மற்றும் நீங்கள் பயன்படுத்தும் வருமான வழிகளின் மீது முழுமையாக சார்ந்துள்ளது.