எலுமிச்சை தோலில் இவ்வளவு நன்மைகளா? தெரிந்துகொள்ளலாம் வாங்க!

எலுமிச்சை பழத்தை போலவே அழகைப் பராமரிப்பதில் எலுமிச்சைத் தோல் முக்கியப் பங்கு வகிக்கிறது.

எலுமிச்சை தோலில் விட்டமின்கள், தாதுக்கள், நார்ச்சத்து, பொட்டாசியம், கல்சியம் மற்றும் ஆன்டி-ஆக்சிடன்ட்டுகள் நிறைந்துள்ளது.

நாம் குப்பையில் வீசும் எலுமிச்சை தோல் எவ்வாறு அழகிற்கு உதவுகின்றது என்று பார்க்கலாம்.

• எலுமிச்சம் பழத்தோலை குளிக்கும் தண்ணீரில் போட்டு வைத்து, சிறிது நேரம் கழித்து குளித்தால் உடல் புத்துணர்ச்சியாக இருக்கும்.
• அக்குள் மற்றும் தொடையின் இடுக்குகளில், அதிக வியர்வையினால் பக்டீரியா தொற்று ஏற்பட்டு கருமை படர்ந்திருக்கும்.
• அந்த இடங்களில் தேங்காய் எண்ணெய்யைத் தடவி, சில நிமிடங்கள் கழித்து எலுமிச்சை தோல் கொண்டு தேய்த்து குளித்து வந்தால் படிப்படியாகக் கருமை குறையும்.
• எலுமிச்சைத் தோலில் இருக்கும் நுண்ணுயிர் எதிர்ப்பு பண்புகள் முகப்பரு வராமல் தடுக்கிறது.
• எலுமிச்சைத் தோல், புதினா இரண்டையும் அரைத்து முகத்தில் பூசி வந்தால் சருமத்தில் உள்ள அழுக்குகள் நீங்கி முகம் பொலிவாகும்.
• முகம், கை, காலில் இருக்கும் இறந்த செல்களை நீக்க எலுமிச்சைப் பொடியை உபயோகிக்கலாம்.
• 3 டீஸ்பூன் எலுமிச்சை தோல் பொடி, 3 டீஸ்பூன் ஓட்ஸ் பொடி, 2 டீஸ்பூன் தேன், 2 டீஸ்பூன் ரோஜா பன்னீர் இவை அனைத்தையும் பசை போல கலக்கவும்.
• இதை முகம், கழுத்து மற்றும் உடலில் பூசி மசாஜ் செய்து 10 நிமிடம் கழித்து குளிக்கவும்.
• இதனால் சருமத்தில் படிந்திருக்கும் இறந்த செல்கள் நீங்கும். வாரம் ஒரு முறை இவ்வாறு செய்யலாம்.
• வீட்டில் மெனிக்யூர், பெடிக்யூர் செய்யும்போது எலுமிச்சைப் பொடியை சூடான தண்ணீரில் கலந்து கை மற்றும் கால்களில் பூசவும்.
• 15 நிமிடம் கழித்து சுத்தம் செய்தால் அழுக்குகள் நீங்கி நகங்கள் பளிச்சிடும்.
• எலுமிச்சை தோல் பொடி, மருதாணிப் பொடி ஆகியவற்றை கலந்து ‘ஹேர் டை’ தயாரித்தால் முடிக்கு இயற்கையான நிறம் கிடைக்கும்.