40 வயதில் இரண்டாவது முறையாக அம்மாவாகும் தனுஷ் பட நடிகை – கோலாகல வளைகாப்பு

பாலிவுட் நடிகர் அனில் கபூர் அவர்களின் மகளாக அறியப்படும் சோனம் கபூர், 2007ஆம் ஆண்டு வெளியான Saawariya திரைப்படத்தின் மூலம் ஹிந்தி திரையுலகில் அறிமுகமானார். அதன் பின்னர் Delhi-6, I Hate Luv Storys உள்ளிட்ட பல படங்களில் நடித்த அவர், இருபதுக்கும் மேற்பட்ட திரைப்படங்களில் தனது நடிப்பை வெளிப்படுத்தியுள்ளார்.

2013ஆம் ஆண்டு தனுஷ் நடித்த Raanjhanaa திரைப்படத்தில் நடித்ததன் மூலம் தென்னிந்திய ரசிகர்களிடமும் பெரும் கவனம் பெற்றார். பல வெற்றிப் படங்கள் மூலம் முன்னணி நடிகை அந்தஸ்தை பெற்ற அவர், 2018ஆம் ஆண்டு தொழிலதிபர் ஆனந்த் அஹுஜாவை காதலித்து குடும்பத்தினரின் சம்மதத்துடன் திருமணம் செய்து கொண்டார். இந்த தம்பதியருக்கு ஏற்கனவே ஒரு மகன் உள்ளார்.

தற்போது 40 வயதில் இரண்டாவது குழந்தைக்காக காத்திருக்கும் சோனம் கபூரின் வளைகாப்பு விழா மும்பையில் கோலாகலமாக நடைபெற்றுள்ளது. பல பாலிவுட் பிரபலங்கள் கலந்து கொண்டு அவருக்கு வாழ்த்துகள் தெரிவித்ததாக தகவல்கள் வெளியாகியுள்ளன. இந்த நிகழ்வின் புகைப்படங்கள் மற்றும் வீடியோக்கள் சமூக வலைத்தளங்களில் வைரலாகி வருகின்றன.