தாம்பத்தியம் இனிமையாக இருக்க படுக்கையறையில் இப்படி செஞ்சு பாருங்க!
திருமண வாழ்க்கை எப்போதும் மகிழ்ச்சியாக நீடிப்பது சுலபமான விஷயம் அல்ல. அதற்கு பரஸ்பர புரிதல், திறந்த உரையாடல், மரியாதை, சமரச மனப்பான்மை போன்ற பல அடிப்படை குணங்கள் தேவை. அந்த வரிசையில், படுக்கையறையில் கடைப்பிடிக்கும் பழக்கங்களும் தாம்பத்திய வாழ்க்கையின் தரத்தை தீர்மானிக்கும் முக்கிய அம்சமாகும். தம்பதிகள் ஒருவருக்கொருவர் நேரம் ஒதுக்கிக் கொள்ளும் தனிப்பட்ட இடமாக இருப்பதால், அந்த நேரத்தை அர்த்தமுள்ளதாக மாற்றுவது உறவை வலுப்படுத்தும்.
படுக்கையறையில் இருக்கும் நேரத்தில் மொபைல் போனைத் தவிர்ப்பது மிக முக்கியம். இன்று பல தம்பதிகள் ஒரே அறையில் இருந்தாலும், மனதில் தொலைபேசியில் மூழ்கி இருப்பார்கள். இது உறவில் தூரத்தை உருவாக்கும். எனவே, அந்த நேரத்தை துணையுடன் உரையாட, நாள் முழுவதும் நடந்த விஷயங்களை பகிர, சிறிய உதவிகள் செய்ய, அல்லது சிரிப்பூட்டும் நினைவுகளை பகிர பயன்படுத்துவது நல்லது.
தினமும் படுக்கைக்கு செல்லும் முன் மனதில் சுமையாக இருக்கும் பிரச்சனைகளைப் பேசித் தீர்க்க முயற்சிக்க வேண்டும். தீராத மனக்கசப்புகள் உறவின் இனிமையை பாதிக்கும். குற்றம் சாட்டாமல், கோபம் காட்டாமல், ஒருவரின் கருத்தை ஒருவர் பொறுமையாகக் கேட்பது அவசியம். இதனால் நம்பிக்கை அதிகரிக்கும்.
படுக்கையறை அமைதியும் நிம்மதியும் தரும் இடமாக இருக்க வேண்டும். சத்தமாக பேசுதல் அல்லது கோபமாக எதிர்வினையாற்றுதல் அந்த சூழலை பாதிக்கும். மென்மையான குரலில் பேசுவது மட்டுமல்ல, உணர்ச்சிகளையும் மென்மையாக வெளிப்படுத்த வேண்டும். இதனால் பரஸ்பர மரியாதை நிலைக்கும்.
காதலான வார்த்தைகள் மற்றும் பாராட்டுகள் உறவை உறுதியாக்கும். நாள் முழுவதும் ஏற்பட்ட சோர்வை போக்க, அன்பான உரையாடல்கள் மிகவும் உதவும். "நன்றி", "நீங்கள் செய்தது எனக்கு மகிழ்ச்சி அளித்தது" போன்ற எளிய வார்த்தைகளும் உறவில் பெரிய மாற்றத்தை ஏற்படுத்தும்.
மேலும், ஒன்றாகப் புத்தகம் வாசிப்பது போன்ற செயல்கள் உறவை மேலும் வலுப்படுத்தும். அது ஒரே நேரத்தில் அமைதியையும், நெருக்கத்தையும் உருவாக்கும். அடுத்த நாள் பேச புதிய தலைப்புகளும் கிடைக்கும். இத்தகைய சிறிய பழக்கங்கள் தாம்பத்தியத்தை நீண்ட காலம் மகிழ்ச்சியாக வைத்திருக்க உதவும்.
