அரையிறுதி வாய்ப்பை உறுதி செய்யப்போவது யார்? பாகிஸ்தான் – நியூசிலாந்து மோதல்
இன்றைய போட்டி நடைபெறும் கொழும்பு மைதானம் கருப்பு மண் தன்மையைக் கொண்டதால், சுழற்பந்து வீச்சாளர்களுக்கு சாதகமான சூழல் உருவாகலாம் என மதிப்பிடப்படுகிறது.
டி20 உலகக்கோப்பை தொடரின் மிக முக்கியமான சூப்பர் 8 சுற்றுப் போட்டிகள் இன்று முதல் தொடங்குகின்றன. குரூப் 2 பிரிவில் இடம்பெற்றுள்ள Pakistan national cricket team மற்றும் New Zealand national cricket team அணிகள் தங்களது முதல் போட்டியை கொழும்பிலுள்ள R. Premadasa Stadium மைதானத்தில் இன்று இரவு 7 மணிக்கு விளையாடுகின்றன.
லீக் சுற்றில் இந்தியாவிடம் தோல்வியடைந்த பாகிஸ்தான் அணிக்கு, இந்த சூப்பர் 8 கட்டம் மிக முக்கியமானதாக பார்க்கப்படுகிறது. கேப்டன் சல்மான் அலி ஆகா தலைமையிலான அணிக்கு மிடில் ஓவர்களில் அழுத்தத்தை சமாளிப்பது சவாலாக இருந்து வருகிறது. குறிப்பாக நட்சத்திர வீரர் Babar Azam மீண்டும் தனது பழைய ஃபார்முக்கு திரும்புவது அணியின் வெற்றிக்குத் தீர்மானகாரியாக அமையும். ஷதாப் கான் மற்றும் அப்ரார் அகமது ஆகியோரின் பங்களிப்பும் முக்கியம் என எதிர்பார்க்கப்படுகிறது.
மறுபுறம், அமைதியாகவும் திட்டமிட்ட அணுகுமுறையுடனும் சூப்பர் 8 சுற்றுக்கு முன்னேறியுள்ள நியூசிலாந்து அணி எந்தவொரு பலமான அணியையும் வீழ்த்தும் திறன் கொண்டதாக பார்க்கப்படுகிறது. கேப்டன் Mitchell Santner உடல்நலக்குறைவிலிருந்து மீண்டு அணியில் இணைவது அணிக்கு கூடுதல் வலிமையை வழங்கியுள்ளது. அதேபோல் ரச்சின் ரவீந்திரா, கிளென் பிலிப்ஸ், பின் ஆலன் மற்றும் மேட் ஹென்றி ஆகியோரின் ஆட்டமும் பாகிஸ்தானுக்கு கடும் சவாலாக அமையக்கூடும்.
இன்றைய போட்டி நடைபெறும் கொழும்பு மைதானம் கருப்பு மண் தன்மையைக் கொண்டதால், சுழற்பந்து வீச்சாளர்களுக்கு சாதகமான சூழல் உருவாகலாம் என மதிப்பிடப்படுகிறது. பாகிஸ்தான் அணி தனது லீக் சுற்றுப் போட்டிகளை இலங்கையிலேயே விளையாடியுள்ளதால், அந்த மைதானத்தின் தன்மை அவர்களுக்கு நன்கு அறிமுகமாக இருக்கும்.
வானிலை அறிக்கையின்படி, போட்டிக்கு முன்பாக லேசான மழை பெய்ய வாய்ப்பு உள்ளது. இதனால் ஆடுகளத்தில் ஈரப்பதம் அதிகரித்து பந்து வேகமாகச் சறுக்கக்கூடும். தொடக்க ஓவர்களில் வேகப்பந்து வீச்சாளர்களுக்கு உதவி கிடைக்கலாம்; பின்னர் ஸ்பின்னர்களும் தாக்கத்தை ஏற்படுத்தக்கூடும்.
புள்ளிவிவரங்களைப் பார்த்தால், சர்வதேச டி20 போட்டிகளில் இரு அணிகளும் இதுவரை 49 முறை மோதியுள்ளன. இதில் பாகிஸ்தான் 24 முறைவும், நியூசிலாந்து 23 முறைவும் வெற்றி பெற்றுள்ளன. சமபலத்துடன் இருக்கும் இந்த இரண்டு அணிகளின் மோதல் ரசிகர்களுக்கு விறுவிறுப்பான போட்டியாக அமையும் என்பது உறுதி. இந்தப் போட்டியை ஸ்டார் ஸ்போர்ட்ஸ் மற்றும் ஜியோ ஹாட்ஸ்டார் தளங்களில் நேரலையில் காணலாம்.
