2026-இல் தங்கம் விலை 82% உயர்ந்தால் ஒரு கிராம் விலை எவ்வளவு? ஷாக் ஆகாதீங்க!
2026 ஆம் ஆண்டும் 2025 போலவே 82% விலை உயர்வு ஏற்பட்டால், தற்போதைய ₹13,000 அடிப்படையில் ஒரு கிராம் தங்கத்தின் விலை ₹23,637 ஆக இருக்கும் என கணக்கிடப்பட்டுள்ளது. இதேபோல், ஒரு சவரன் விலை ₹1,89,000 ஆக உயரலாம்.
2025 ஆம் ஆண்டு இந்தியாவில் தங்கத்தின் விலை பலரும் எதிர்பாராத அளவில் உயர்ந்து, சாமானிய மக்களை அதிர்ச்சிக்குள்ளாக்கியது. ஆண்டுத் தொடக்கத்தில் ஒரு கிராம் 22 கேரட் ஆபரணத் தங்கத்தின் விலை ₹7,150 ஆக இருந்தது. அதன் பிறகு ஏப்ரலில் ₹9,000, செப்டம்பரில் ₹10,000, அக்டோபரில் ₹11,000 என படிப்படியாக உயர்ந்து, இன்றுவரை ₹13,000 ஐத் தொட்டுள்ளது. இது ஜனவரி 1-ஆம் தேதியை விட 81.82% உயர்வைக் குறிக்கிறது.
சவரன் விலையும் இதே வீதத்தில் உயர்ந்துள்ளது. ஆண்டுத் தொடக்கத்தில் ஒரு சவரன் ₹57,200 ஆக விற்பனையானது, இன்று அது ₹1,04,000 ஆக உயர்ந்துள்ளது. இந்த உயர்வு, பல்வேறு உலகளாவிய காரணிகளால் இடம்பெற்றுள்ளது – அமெரிக்காவின் பொருளாதார மந்தநிலை, டொனால்ட் டிரம்ப் தலைமையிலான வர்த்தக மோதல்கள், டாலரின் மதிப்பு சரிவு, மத்திய வங்கிகளின் தங்க சேகரிப்பு போன்றவை இதற்கு முக்கிய காரணங்களாக உள்ளன.
இந்த நிலையில், 2026 ஆம் ஆண்டும் 2025 போலவே 82% விலை உயர்வு ஏற்பட்டால், தற்போதைய ₹13,000 அடிப்படையில் ஒரு கிராம் தங்கத்தின் விலை ₹23,637 ஆக இருக்கும் என கணக்கிடப்பட்டுள்ளது. இதேபோல், ஒரு சவரன் விலை ₹1,89,000 ஆக உயரலாம்.
எனினும், பல நிறுவனங்களும் ஆய்வாளர்களும், 2026-இல் இவ்வளவு அதிக உயர்வு நிகழ வாய்ப்பு குறைவு என்றும், 20% முதல் 40% வரையான உயர்வே எதிர்பார்க்கப்படுவதாகவும் கூறுகின்றனர்.
இந்த செய்தியில் குறிப்பிடப்பட்டுள்ள கருத்துகள் மற்றும் கணிப்புகள் தனிப்பட்ட ஆய்வாளர்கள் அல்லது நிறுவனங்களின் கருத்துகள் மட்டுமே. இது முதலீட்டு ஆலோசனையாக கருதப்படக்கூடாது. எந்தவொரு முதலீட்டு முடிவும் அங்கீகரிக்கப்பட்ட நிதி ஆலோசகர்களின் உதவியுடன் மட்டுமே எடுக்கப்பட வேண்டும்.
