மாணவி உயிரிழப்பு: பேராசிரியர், சீனியர் மாணவிகள் மீது துன்புறுத்தல் குற்றச்சாட்டு – மரணத்தின் முன் பதிவு செய்த வீடியோ

இமாச்சலப் பிரதேசத்தின் தர்மசாலாவில் உள்ள அரசு மருத்துவக் கல்லூரியில் முதலாம் ஆண்டு பயின்று வந்த 19 வயது தலித் மாணவி ஒருவர், பேராசிரியர் மற்றும் சீனியர் மாணவிகளின் தொடர் துன்புறுத்தலால் கடந்த டிசம்பர் 26ஆம் தேதி உயிரிழந்த சம்பவம் நாடு முழுவதும் அதிர்ச்சியை ஏற்படுத்தியுள்ளது.

அவர் உயிரிழப்பதற்கு முன் தான் பாதிக்கப்பட்டதை விளக்கிக் கண்ணீர் மல்க பேசிய வீடியோ ஒன்று நேற்று வெளியாகி, பெரும் பரபரப்பையும் வெற்றுணர்வையும் ஏற்படுத்தியுள்ளது.

அந்த வீடியோவில், துன்புறுத்தலுக்கு ஆளான மாணவி, “புவியியல் துறை உதவிப் பேராசிரியர் அசோக் குமார் தொடர்ந்து என்னை பாலியல் மற்றும் மன ரீதியாக துன்புறுத்தினார். கடந்த செப்டம்பர் 18ஆம் தேதி, ஹர்ஷிதா, ஆக்ரிதி, கோமோலிகா ஆகிய மூன்று சீனியர் மாணவிகள் என்னை ராக்கிங் செய்து கொடூரமாகத் தாக்கினர். இது குறித்து யாரிடமும் சொன்னால் மோசமான விளைவுகள் ஏற்படும் என மிரட்டினர்,” என்று உருக்கமாக விளக்கியிருந்தார்.

மாணவியின் தந்தை தாக்கல் செய்த புகார் மற்றும் வீடியோ ஆதாரத்தின் அடிப்படையில், போலீசார் உடனடியாக வழக்குப் பதிவு செய்து விசாரணை மேற்கொண்டு வருகின்றனர். உதவிப் பேராசிரியர் அசோக் குமார் பணியிடை நீக்கம் செய்யப்பட்டு, பின்னர் ஜாமீனில் விடுவிக்கப்பட்டார். இந்த நடவடிக்கை மாநில முதல்வர் சுக்விந்தர் சிங் சுகுவின் உத்தரவின் பேரில் கல்வித்துறை எடுத்தது.

மேலும், மூன்று சீனியர் மாணவிகள் மீது ராகிங் தடுப்புச் சட்டம் (Anti-Ragging Act) மற்றும் உடல் தாக்குதல் தொடர்பான பிரிவுகளின் கீழ் வழக்கு பதிவு செய்யப்பட்டுள்ளது.

இந்த சம்பவத்தை உடனடியாக கவனித்த பல்கலைக்கழக மானியக் குழு (UGC), தானாக முன்வந்து ஐந்து உறுப்பினர்களைக் கொண்ட சுயாதீன விசாரணைக் குழுவை அமைத்யுள்ளது. இந்த விசாரணையின் மூலம் கல்லூரிகளில் ராக்கிங், பாலியல் துன்புறுத்தல் மற்றும் சாதி-அடிப்படையிலான ஒதுக்கல் போன்ற சமூக அநீதிகளுக்கு எதிரான பரந்த விவாதங்கள் மீண்டும் தூண்டப்பட்டுள்ளன.