ஒன்டாரியோவில் இடம்பெற்ற துயரம்: மூன்று வயது சிறுமி மரணம்!

ஒன்டாரியோ மாகாணத்தின் கேம்பர்ஜ் நகரில், வாகனம் மோதியதில் மூன்று வயது சிறுமி உயிரிழந்த துயர சம்பவம் நிகழ்ந்துள்ளது. 

இந்த விபத்தில் 31 வயது பெண் ஒருவர் கடுமையான காயங்களுக்குள்ளானாலும், அவருக்கு உயிருக்கு ஆபத்து இல்லை என்று தெரிவிக்கப்படுகிறது.

சிறுமியும் அந்த பெண்ணும் கேம்பர்ஜ் நகரின் சீடர் ஸ்ட்ரீட் பகுதியில், வெஸ்ட்‌கேட் சென்டர் பிளாசா அருகே நடந்து செல்லும்போது, வாகனம் அவர்களை மோதியதாகக் கூறப்படுகிறது. 

சிறுமிக்கு ஏற்பட்ட காயங்கள் உயிருக்கு ஆபத்தானதாக இருந்தது, மருத்துவமனைக்கு அழைத்துச் செல்லப்பட்டதும் அவர் சற்றுநேரத்தில் உயிரிழந்தார்.

விபத்துக்குப் பிறகு, மக்கள் மலர்களும் பொம்மைகளும் வைத்து அஞ்சலி செலுத்தினர். 

வாகன ஓட்டுனர் கேம்பர்ஜ் பகுதியில் வசிக்கும் 75 வயது ஆண் என்று பொலிஸ் தெரிவித்துள்ளது; அவருக்கு எந்தக் காயமும் ஏற்படவில்லை. 

தற்போதைய நிலையில், விபத்து காரணங்கள் மற்றும் குற்றச்சாட்டுகள் பற்றிய மேலதிக தகவல்கள் வெளியிடப்படவில்லை.