மாதத்தின் முதல் நாளில் தங்கம் மற்றும் வெள்ளி விலை சரிவு: இன்றைய நிலவரம்

சென்னையில் அக்டோபர் 1-ஆம் தேதியான இன்று தங்கம் மற்றும் வெள்ளியின் விலை குறைந்து விற்பனையாகிறது. இந்தியாவில் 22 காரட் மற்றும் 24 காரட் அடிப்படையில் தங்கத்தின் விலை நிர்ணயிக்கப்படுகிறது.

சர்வதேச சந்தையில் அமெரிக்க டாலரில் தீர்மானிக்கப்படும் இதன் மதிப்பு, இந்திய ரூபாய்க்கு நிகரான டாலர் மதிப்பிற்கு ஏற்ப ஏற்ற இறக்கத்தைக் கண்டு வருகிறது.

அந்த வகையில், சென்னையில் நேற்று ஒரு கிராம் ரூ.13,710-க்கும், ஒரு சவரன் ரூ.1,09,680-க்கும் விற்பனையான 22 காரட் ஆபரணத் தங்கம், இன்று கிராமுக்கு ரூ.30 குறைந்து ரூ.13,680-க்கும், சவரனுக்கு ரூ.240 குறைந்து ரூ.1,09,440-க்கும் விற்பனை செய்யப்படுகிறது.

வெள்ளியின் விலையும் இன்று சரிவைச் சந்தித்துள்ளது. சென்னையில் நேற்று ஒரு கிராம் ரூ.245-க்கு விற்பனையான வெள்ளி, இன்று ரூ.5 குறைந்து ஒரு கிராம் ரூ.240-க்கு விற்பனையாகிறது.

அதன்படி, ஒரு கிலோ வெள்ளியின் விலை ரூ.2,40,000 ஆக உள்ளது. கடந்த செப்டம்பர் மாதத்தின் பிற்பகுதியில் ஏற்ற இறக்கங்களைக் கண்டுவந்த 22 காரட் மற்றும் 24 காரட் தங்கத்தின் விலை, புதிய மாதத்தின் முதல் நாளான இன்று மீண்டும் சரிவை நோக்கி நகர்ந்துள்ளது.