விவாகரத்து சர்ச்சைக்கிடையில் திருமண நிகழ்ச்சியில் ஜோடியாக வந்த விஜய்–த்ரிஷா? வைரலாகும் வீடியோ
தமிழ் சினிமாவின் முன்னணி நடிகர்களில் ஒருவரான Vijay மற்றும் அவரது மனைவி Sangeetha Sornalingam இடையிலான விவாகரத்து விவகாரம் சமூக வலைதளங்களில் பரபரப்பை ஏற்படுத்தி வருகிறது. திருமணத்தை மீறிய உறவு இருப்பதாக குற்றம்சாட்டி சங்கீதா, செங்கல்பட்டு குடும்ப நல நீதிமன்றத்தில் விவாகரத்து கோரி மனுத் தாக்கல் செய்துள்ளதாக தகவல்கள் வெளியாகியுள்ளன.
கடந்த ஆண்டு டிசம்பர் மாதமே இந்த மனு தாக்கல் செய்யப்பட்டதாக கூறப்படுகின்றது. ஆனால், சமீபத்திய வாரங்களில் தான் இந்த விவகாரம் பொதுமக்கள் மத்தியில் அதிகமாக பேசப்படத் தொடங்கியுள்ளது. அந்த மனுவில், ஒரு நடிகையுடன் விஜய்க்கு திருமணத்தை மீறிய உறவு இருப்பதாகவும், அதுகுறித்து கேள்வி எழுப்பியதால் தன்னை வீட்டில் வைத்து துன்புறுத்தியதாகவும் சங்கீதா பல்வேறு குற்றச்சாட்டுகளை முன்வைத்துள்ளார். எனினும், அந்த நடிகையின் பெயரை மனுவில் குறிப்பிடவில்லை என்பது குறிப்பிடத்தக்கது.
இதுவரை இந்த குற்றச்சாட்டுகளுக்கு விஜய் எந்தவிதமான அதிகாரப்பூர்வ பதிலும் அளிக்கவில்லை. சங்கீதா தாக்கல் செய்துள்ள இந்த விவாகரத்து வழக்கு ஏப்ரல் 20ஆம் தேதி விசாரணைக்கு வரவுள்ளது.
இந்நிலையில், சமூக வலைதளங்களில் அந்த நடிகை Trisha Krishnan தான் என்ற தகவல்கள் பரவி வருகின்றன. இந்த சூழ்நிலையில், விஜய் மற்றும் த்ரிஷா இருவரும் ஒரே காரில், ஒரே நிற உடை அணிந்து ஒரு திருமண வரவேற்பு நிகழ்ச்சியில் கலந்து கொண்டதாக கூறப்படும் வீடியோ சமூக வலைதளங்களில் வைரலாகி வருகிறது. இந்த வீடியோ காரணமாகவே இருவரைப் பற்றிய ஊகங்களும், விவாதங்களும் இணையத்தில் மேலும் அதிகரித்துள்ளன.
இதற்கிடையில், இந்த விவகாரம் குறித்து சம்பந்தப்பட்ட தரப்பினரிடமிருந்து அதிகாரப்பூர்வ விளக்கம் எதுவும் வெளியாகவில்லை என்பதும் குறிப்பிடத்தக்கது.
