இன்று முதல் இந்த 3 ராசிக்கு ராஜயோக பலன்கள்; தொட்டதெல்லாம் பொன்னாகும்... உங்க ராசி இதுல இருக்கா?

ஜோதிட சாஸ்திரத்தில் ஒருவரின் கர்ம வினைகள் மற்றும் உழைப்பிற்கு ஏற்ப நீதி தவறாமல் பலாபலன்களை வழங்கும் கர்மகாரகனாக சனி பகவான் திகழ்கிறார்.தற்போது சனி பகவான் மீன ராசியில் வக்ர கதியில் சஞ்சரித்து வரும் நிலையில், ராசி மண்டலத்தில் குறிப்பிட்ட கால இடைவெளிகளில் பிற கிரகங்களுடன் இணைந்து பல்வேறு சக்திவாய்ந்த யோகங்களை உருவாக்குகிறார்.

அந்த வகையில் அக்டோபர் 04 அன்று மாலை 5:56 மணியளவில், கிரகங்களின் தலைவனான சூரிய பகவானும், ஆயுள்காரகனான சனி பகவானும் ராசி மண்டலத்தில் ஒன்றுக்கொன்று நேர் எதிரே 180 டிகிரியில் சஞ்சரிக்கும் 'பிரதியுதி' என்ற அரிய கிரக சமசப்தம அமைப்பு நிகழ்ந்துள்ளது. 

ஜோதிட ரீதியாக தந்தை-மகனாக போற்றப்படும் இவ்விரு பெரும் கிரகங்களின் சமசப்தம பார்வை சில ராசிக்காரர்களின் வாழ்வில் மிகப்பெரிய அதிர்ஷ்ட திருப்புமுனைகளையும் ராஜயோக அனுகூலங்களையும் வாரி வழங்கவுள்ளது. அந்த வகையில் இந்த அரிய கிரக மாற்றத்தால் அபரிமிதமான சுப பலன்களைப் பெறவுள்ள அதிர்ஷ்ட ராசிகள் குறித்து விரிவாகக் காண்போம்.

சிம்மம்

சிம்ம ராசிக்கு எட்டாம் வீட்டில் சனி பகவான் வக்ர நிலையில் சஞ்சரிக்க, ராசிநாதன் சூரியன் இரண்டாம் வீடான தன ஸ்தானத்தில் அமர்ந்து சமசப்தம பார்வை பெறுவதால் சிம்ம ராசியினருக்கு நிலவி வந்த தடைகளும் நெருக்கடிகளும் அடியோடு விலகும். பணியிடத்தில் உங்களின் கடின உழைப்பிற்கு தகுந்த அங்கீகாரமும் பதவி உயர்வும் தேடி வரும். பொருளாதார நிலை முன்னெப்போதும் இல்லாத வகையில் கணிசமாக உயர்ந்து, நீண்ட நாட்களாக திட்டமிட்டிருந்த சேமிப்பு திட்டங்கள் கை கூடும். வணிகம் மற்றும் வியாபாரத்தில் இருப்பவர்கள் போட்டிகளை முறியடித்து எதிர்பார்த்ததை விட கூடுதல் லாபம் ஈட்டுவர். மாணவர்களுக்கு கல்வியில் சிறப்பான முன்னேற்றம் உண்டாகும். வேலை தேடும் இளைஞர்களுக்குப் பொருத்தமான வேலைவாய்ப்புகள் அமைந்து மன அமைதியும் ஆரோக்கியமும் மேம்படும்.

கன்னி

சூரியன் ராசியிலும், சனி பகவான் ஏழாம் வீடான களத்திர ஸ்தானத்திலும் எதிரெதிரே நிலைபெற்றிருப்பது கன்னி ராசிக்காரர்களுக்கு அனுகூலமான மாற்றங்களை அள்ளித் தரும். கணவன்-மனைவிக்கு இடையே நிலவி வந்த கருத்து வேறுபாடுகள் நீங்கி இல்லறத்தில் சுப மங்கல அமைதியும் பரஸ்பர அன்பும் அதிகரிக்கும். நிதி ரீதியாக எதிர்பாராத தன வரவுகளும், பூர்வீக சொத்துக்கள் சார்ந்த நன்மைகளும் கிட்டும் யோகம் காணப்படுகிறது. நீண்ட காலமாக இழுபறியாக இருந்த கடன் சுமைகள் குறைந்து நிதி நிலைமை பலப்படும். புதிய முதலீடுகள் மற்றும் திட்டமிட்ட செயல்கள் அனைத்தும் அபார வெற்றி பெற்று உங்கள் நீண்ட கால கனவுகள் நனவாகும் சுப கால கட்டமாக இது அமையும்.

தனுசு

தனுசு ராசி நேயர்களுக்கு சூரியன்-சனி எதிரெதிர் அமைப்பானது சவால்கள் மற்றும் மன அழுத்தங்களில் இருந்து முழுமையான விடுதலையை வழங்கும். உங்களின் செயலாற்றல் மற்றும் தன்னம்பிக்கை பன்மடங்கு உயர்ந்து, எடுக்கும் 
முயற்சிகள் அனைத்திலும் அதிர்ஷ்டத்தின் முழு ஆதரவு துணை நிற்கும். உத்தியோகத்தில் இருப்பவர்களுக்கு விரும்பிய சம்பள உயர்வு, கூடுதல் சலுகைகள் அல்லது ஊக்கத்தொகை கிடைப்பதற்கான சூழல் உருவாகும். புதிய வேலை தேடுபவர்களுக்கு தகுதிக்கேற்ற நிறுவனங்களில் சிறப்பான பணி வாய்ப்புகள் அமையும். குடும்பத்தில் அமைதியும் மகிழ்ச்சியும் நிலவ, வாழ்க்கைத் துணையுடன் நிம்மதியான தருணங்களை செலவிடுவீர்கள். தொழில் ரீதியான பயணங்கள் மூலம் புதிய தொடர்புகளும் ஆதாயங்களும் கிடைத்து உடல் நலம் சீராக இருக்கும்.