கனடாவில் புதிய வேலைவாய்ப்புகள் பெரும் உயர்வு – ஒரே மாதத்தில் 54,000 புதிய வேலைகள்!
ஒக்டோபர் மாதத்தில் 6.9% ஆக இருந்த வேலையின்மை விகிதம், நவம்பரில் 6.5% ஆக குறைந்துள்ளது. இது கனடாவின் பொருளாதாரம் பலமாக உள்ளதை காட்டும் ஒரு முக்கிய அறிகுறியாக பார்க்கப்படுகிறது.
கனடாவில் வேலைவாய்ப்பு சந்தையில் மகிழ்ச்சி அளிக்கும் மாற்றம் ஏற்பட்டுள்ளது. கனடிய புள்ளிவிபரவியல் திணைக்களம் (Statistics Canada) வெளியிட்ட தரவுகளின்படி, நவம்பர் 2025 மாதத்தில் மட்டும் 54,000 புதிய வேலைவாய்ப்புகள் உருவாக்கப்பட்டுள்ளன.
இந்த அறிக்கை, பொருளாதார நிபுணர்கள் சிறிய அளவிலான வேலை இழப்பு ஏற்படலாம் என எதிர்பார்த்த நிலையில், முற்றிலும் எதிர்மறையான போக்கை மாற்றி அமைந்துள்ளது. புதிய வேலைவாய்ப்புகள் அதிகரித்ததுடன், வேலையின்மை விகிதமும் குறைந்துள்ளது.
அதன்படி, ஒக்டோபர் மாதத்தில் 6.9% ஆக இருந்த வேலையின்மை விகிதம், நவம்பரில் 6.5% ஆக குறைந்துள்ளது. இது கனடாவின் பொருளாதாரம் பலமாக உள்ளதை காட்டும் ஒரு முக்கிய அறிகுறியாக பார்க்கப்படுகிறது.
மேலும், செப்டம்பர் முதல் நவம்பர் வரையிலான மூன்று மாதகாலத்தில் மொத்தமாக 181,000 புதிய வேலைகள் கனடாவில் உருவாகியுள்ளன. இந்த நேர்மறையான போக்கு, புதிய நியமனங்களைத் தேடும் குடியேற்றக்காரர்கள், பட்டதாரிகள் மற்றும் பொருளாதார வல்லுநர்களுக்கு ஊக்கமளிக்கும் வகையில் அமைந்துள்ளது.
இந்த முன்னேற்றம், கனடாவின் ஊதியம், சமூகப் பாதுகாப்பு மற்றும் குடியேற்றக் கொள்கைகள் போன்றவற்றின் விளைவாகவும், பொருளாதார நிலைத்தன்மையின் காரணமாகவும் ஏற்பட்டுள்ளதாக பகுப்பாய்வுகள் குறிப்பிடுகின்றன.
