துலாம் ராசிக்குள் நுழையும் புதன் பகவான்.. இந்த 3 ராசிகளுக்கு தொட்டதெல்லாம் பொன்னாகும் ராஜயோகம்!

ஜோதிட சாஸ்திரத்தில் நவகிரகங்களின் இளவரசனாகப் போற்றப்படும் புதன் பகவான், புத்தி கூர்மை, தகவல் தொடர்பு, கல்வி மற்றும் வர்த்தகத்தின் அதிபதியாக விளங்குகிறார். ஒரு குறிப்பிட்ட கால இடைவெளியில் ஒவ்வொரு கிரகமும் ராசி மற்றும் நட்சத்திர மாற்றம் அடைவது வழக்கம். அந்த வகையில், செப்டம்பர் மாதத்தில் புதன் பகவான் இரண்டு முறை தனது ராசியை மாற்றும் அபூர்வ நிகழ்வு அரங்கேறுகிறது.

தற்போது கன்னி ராசியில் சஞ்சரித்து வரும் புதன் பகவான், செப்டம்பர் 26 ஆம் திகதி காலை 9:29 மணிக்கு சுக்கிரனின் ஆட்சி வீடான துலாம் ராசிக்குள் பெயர்ச்சியாகிறார். அறிவு மற்றும் வியாபார காரகனான புதன், சுக்கிரனின் சொந்த வீட்டிற்குள் பிரவேசிப்பது ராசி மண்டலத்தில் மிக முக்கிய ஜோதிட நிகழ்வாகப் பார்க்கப்படுகிறது. இந்த பெயர்ச்சியின் தாக்கம் பன்னிரண்டு ராசிகளிலுமே எதிரொலித்தாலும், மூன்று ராசிக்காரர்களுக்கு எதிர்பாராத பண வரவும், தொழில் வெற்றியும் தேடி வரவுள்ளது. அந்த அதிர்ஷ்ட பலன்களை அள்ளப்போகும் ராசிகளைப் பற்றி விரிவாகக் காண்போம்.

மிதுனம்

மிதுன ராசிக்கு ஐந்தாம் இடமான பூர்வ புண்ணிய ஸ்தானத்தில் புதன் பகவான் சஞ்சரிக்கவுள்ளார். இதனால் நீண்ட நாட்களாக நிலவி வந்த கடுமையான பொருளாதார நெருக்கடிகள் நீங்கி, புதிய வருமான வழிகள் திறக்கும். எதிர்பாராத திடீர் பண வரவு உண்டாகும் என்பதுடன், நீண்ட கால ஆசைகள் மற்றும் திட்டங்கள் ஒவ்வொன்றாக நிறைவேறும். கணவன் மனைவி இடையே நிலவி வந்த மனக்கசப்புகள் மறைந்து தாம்பத்தியத்தில் அன்யோன்யம் கூடும். ஆரோக்கியத்தில் நல்ல முன்னேற்றம் ஏற்படும். நண்பர்களுடன் ஆன்மீக மற்றும் இன்ப சுற்றுலா செல்லும் வாய்ப்புகள் உருவாகும். தொழில் மற்றும் வியாபாரத்தில் புதிய முதலீடுகள் மூலம் அபரிமிதமான லாபத்தை ஈட்டுவீர்கள்.

கன்னி

கன்னி ராசிக்கு இரண்டாம் வீடான தன மற்றும் வாக்கு ஸ்தானத்தில் புதன் பகவான் சஞ்சாரம் செய்யவிருக்கிறார். இதனால் உங்களின் பேச்சாற்றல் அபார வலிமை பெற்று, சமூகத்திலும் தொழிலிலும் பெரும் செல்வாக்கை உண்டாக்கும். எதிரிகளின் சூழ்ச்சிகளை முறியடித்து வெற்றிக் கொடி நாட்டுவீர்கள். உங்களைச் சுற்றி நிலவும் நேர்மறை ஆற்றலால் அதிர்ஷ்ட வாய்ப்புகள் கதவைத் தட்டும். சரியான திட்டமிடல் மூலம் சிக்கலான பிரச்சினைகளுக்கும் சுலபமாக தீர்வு காண்பீர்கள். வியாபாரிகள் புதிய யுக்திகளைக் கையாண்டு சந்தையில் மிகப்பெரிய லாபத்தையும் வாடிக்கையாளர் நன்மதிப்பையும் பெறுவார்கள்.

துலாம்

துலாம் ராசியின் முதல் வீடான ஜென்ம ராசிக்குள் நேரடியாக புதன் பகவான் பிரவேசிப்பது தன்னம்பிக்கையையும் ஆளுமைத் திறனையும் பன்மடங்கு உயர்த்தும். உங்கள் முடிவெடுக்கும் திறன் கூர்மையடைவதுடன், சமூகத்தில் மதிப்பும் அந்தஸ்தும் உயரும். நீங்கள் செல்லும் இடங்களில் எல்லாம் தனி மரியாதை கிடைக்கும். பணியிடத்தில் உங்கள் செயல்திறனை உயர் அதிகாரிகள் பாராட்டுவதுடன், பதவி உயர்வு மற்றும் ஊதிய உயர்வுக்கான சூழல் சாதகமாகும். பொதுவாழ்விலும் சொந்த வாழ்க்கையிலும் வசீகரமான ஆளுமையால் புதிய தொடர்புகள் கிடைத்து முன்னேற்றத்திற்கான பாதை எளிதாகும்.