"கவர்ச்சி தவறான விஷயம் அல்ல" - நடிகை மாளவிகா மோகனன் பேச்சு வைரல்
நடிகை மாளவிகா மோகனன் கவர்ச்சி குறித்த தனது கருத்தை பகிர்ந்துள்ளார். கவர்ச்சி தவறான விஷயம் அல்ல என்றும், அதை தவறான பார்வையில் அணுகுபவர்கள் மனப்போக்கை மாற்ற வேண்டும் என்றும் தெரிவித்துள்ளார்.
தமிழ் சினிமாவில் முன்னணி நடிகைகளில் ஒருவராக வலம் வரும் மாளவிகா மோகனன், நடிகைகள் கவர்ச்சியாக நடிப்பது குறித்த தனது கருத்தை சமீபத்திய பேட்டியில் பகிர்ந்துள்ளார். அவரது இந்த பேச்சு தற்போது சமூக வலைதளங்களில் கவனம் பெற்றுள்ளது.
ரஜினிகாந்த் நடிப்பில் வெளியான ‘பேட்ட’ திரைப்படத்தின் மூலம் தமிழ் திரையுலகில் கதாநாயகியாக அறிமுகமானவர் மாளவிகா மோகனன். தொடர்ந்து விஜய்யுடன் ‘மாஸ்டர்’ படத்தில் நடித்ததன் மூலம் ரசிகர்களிடையே தனக்கென ஒரு இடத்தைப் பிடித்தார்.
அதன் பின்னர் ‘மாறன்’, ‘தங்கலான்’ உள்ளிட்ட திரைப்படங்களில் நடித்த அவர், தமிழ் மட்டுமின்றி மலையாளம், தெலுங்கு, கன்னடம் மற்றும் இந்தி மொழிப் படங்களிலும் நடித்து வருகிறார். தற்போது ‘சர்தார் 2’, ‘பாக்கெட் நாவல்’ உள்ளிட்ட படங்களில் பிஸியாக உள்ளார்.
சமீபத்தில் வெளியான ‘இதயம் முரளி’ திரைப்படத்தில் பகத் பாசிலுடன் இணைந்து சிறப்பு தோற்றத்தில் நடித்திருந்த மாளவிகா மோகனனின் கதாபாத்திரம் ரசிகர்களிடையே வரவேற்பைப் பெற்றது.
கவர்ச்சி குறித்து மாளவிகா மோகனன் கருத்து
சமீபத்திய பேட்டி ஒன்றில் நடிகைகள் கவர்ச்சியாக நடிப்பது குறித்து பேசிய மாளவிகா மோகனன், கவர்ச்சியை தவறான கண்ணோட்டத்தில் பார்க்கக் கூடாது என்று தெரிவித்துள்ளார்.
அவர் கூறுகையில், “எந்த நடிகையும் எல்லை மீறி நடிப்பதில்லை. ஆனால் சிலர் மட்டுமே அதை தவறான முறையில் விமர்சிக்கிறார்கள். கவர்ச்சி என்பது தவறான விஷயம் கிடையாது. அதை தவறான எண்ணத்துடன் பார்ப்பவர்கள்தான் தங்களுடைய மனப்போக்கை மாற்றிக்கொள்ள வேண்டும்” என்று தெரிவித்துள்ளார்.
நடிகைகளின் உடை, தோற்றம் மற்றும் நடிப்பு குறித்து சமூகத்தில் எழும் விமர்சனங்கள் தொடர்பாக மாளவிகா மோகனன் தெரிவித்த இந்த கருத்து தற்போது ரசிகர்கள் மத்தியில் விவாதமாக மாறியுள்ளது.
