பிறந்த குழந்தைக்கு தாய்ப்பால் எவ்வளவு கொடுக்க வேண்டும்? அதிகமாக கொடுத்தால் உண்டாகும் பக்க விளைவுகள்

பிறந்த குழந்தைக்கு சீரான இடைவெளியில் உணவளிக்க வேண்டியது அவசியம் என அனைவருக்கும் தெரியும். ஆனால், அளவுக்கு அதிகமாக குழந்தைக்கு உணவளிப்பது பல்வேறு உடல்நல பிரச்சனைகளை ஏற்படுத்தும் என்பது பலருக்கும் தெரியாது. எனவே, குழந்தைகளுக்கு தேவையான அளவை விட அதிகமாக உணவளிக்காதவாறு பார்த்துக்கொள்ள வேண்டியது அவசியம்.

சில சமயங்களில் குழந்தையின் தேவையை பெற்றோர்கள் சரியாக புரிந்து கொள்ளாததால், இந்த தவறு ஏற்படும். குழந்தை அழுதால் அதற்கு பசி மட்டும் காரணமாக இருக்காது, வாயு தொல்லை அல்லது வலிகள் கூட காரணமாக இருக்கலாம். எனவே, புதிய பெற்றோர்கள் குழந்தை அழுகிறது என்று மட்டுமே காரணம் காட்டி, உடனே பால் கொடுக்காமல், குழந்தையின் உண்மையான தேவையை புரிந்து கொள்ள முயல்வது நல்லது.

உங்கள் குழந்தைக்கு அளவுக்கு அதிகமாக உணவு கொடுக்கிறீர்கள் என்பதை உணர்த்தும் சில முக்கிய அறிகுறிகள் உள்ளன. குழந்தை வழக்கத்திற்கு மாறாக குறைந்த காலத்திற்குள் திடீரென எடை அதிகரித்தால், அது அதிக உணவு கொடுப்பதன் அறிகுறியாக இருக்கலாம். அடிக்கடி சிறுநீர் கழித்தல், வழக்கத்தை விட அதிகமாக மலம் கழித்தல், அல்லது அடிக்கடி செரிமான பிரச்சனைகள் ஏற்படுவது போன்றவையும் அதிக உணவு கொடுப்பதற்கான அறிகுறிகளே. குழந்தை பால் குடிக்க மறுத்தால், வயிறு நிரம்பியிருப்பதை குறிக்கும்.

பால் குடிக்கும் போது அழுவதும், வாயிலிருந்து பால் கக்குவதும் அதிக உணவு உண்டதன் அறிகுறிகளாகும். குழந்தைக்கு பால் குடிக்க மறுத்தால், அதிக பால் குடித்திருக்கிறது அல்லது வயிறு நிரம்பி விட்டது என்பதை புரிந்து கொள்ள வேண்டும்.

குழந்தைகளுக்கு அதிகமாக உணவு கொடுப்பது பல பக்க விளைவுகளை ஏற்படுத்தும். புட்டிப்பால் குடிக்கும் குழந்தைகள் பால் குடிக்கும் போது சில நேரங்களில் அதிக காற்றை விழுங்குவார்கள், இதனால் குழந்தைக்கு வாயுத் தொல்லை அல்லது வயிற்று வலி ஏற்படும். அதிகப்படியான பால் உட்கொள்வதால் குமட்டல் மற்றும் வாந்தி ஏற்படலாம், மேலும் சரியாக செரிமானம் ஆகாததால் குழந்தை பலவீனமாக உணர்ந்து அழத் தொடங்கும்.

அதிகப்படியான உணவு குழந்தைகளின் எடை அதிகரிப்பை ஏற்படுத்தும், இது பல உடல்நலப் பிரச்சினைகளுக்கு வழிவகுக்கும். எனவே, பெற்றோர்கள் குழந்தைகளுக்கு உணவளிக்கும் நேரத்தை நிர்ணயிக்க வேண்டும், ஒவ்வொரு 2-3 மணி நேரத்திற்கும் அல்லது குழந்தை மருத்துவர்களின் பரிந்துரைப்படி உணவளிக்க வேண்டும். குழந்தைக்கு கொடுக்கப்படும் பாலின் அளவையும் நிர்ணயம் செய்வது அவசியம். குழந்தை உணவை நிராகரித்தால், கட்டாயப்படுத்தி உணவளிக்க வேண்டாம்.

குழந்தைக்கு வலுக்கட்டாயமாக உணவளிக்காமல், குழந்தை போதுமான பால் குடிக்கவில்லை என்று உணர்ந்தால், அருகில் உள்ள குழந்தைகள் நல மருத்துவரை அணுகி ஆலோசனை பெறுவது நல்லது. குழந்தைகளுக்கு உணவளிக்க பெரிய அளவிலான பால் பாட்டிலைப் பயன்படுத்தாமல், அதிக உணவைத் தடுக்க சிறிய அல்லது நடுத்தர அளவிலான பாட்டிலைப் பயன்படுத்துவது நல்லது. அதிகப்படியான உணவளிப்பது பெரும்பாலான பெற்றோர்கள் இயல்பாக சந்திக்கும் ஒரு பிரச்சனை.

உங்கள் குழந்தையின் தேவையைப் புரிந்துகொண்டு, அதற்கு ஏற்றாற்போல் உணவளிப்பது முக்கியம். ஒவ்வொரு குழந்தைக்கும் வெவ்வேறு தேவைகள் உள்ளன, எனவே தனித்தனியாக கவனிப்பது அவசியம்.