அக்குறணை விபத்து: கொங்கிறீட் வாகன சாரதி கைது, நால்வர் பலி எட்டு பேர் காயம்
அக்குறணை குருகொட சந்தியில் கொங்கிறீட் கலவை வாகனம் கட்டுப்பாட்டை இழந்து எட்டு வாகனங்கள் மீது மோதிய விபத்தில் நால்வர் உயிரிழந்து எட்டு பேர் காயமடைந்தனர், சாரதியை அலவத்துகொட காவல்துறையினர் கைது செய்துள்ளனர்.
அக்குறணையில் இன்று முற்பகல் இடம்பெற்ற வாகன விபத்து தொடர்பில் ஒருவர் கைது செய்யப்பட்டுள்ளார். குறித்த விபத்துடன் தொடர்புடைய கொங்கிறீட் கலவை வாகனத்தின் சாரதியே அலவத்துகொட காவல்துறையினரால் கைது செய்யப்பட்டுள்ளார்.
அக்குறணை, குருகொட சந்திப் பகுதியில் இடம்பெற்ற குறித்த விபத்தில் நால்வர் உயிரிழந்துள்ளதுடன், மேலும் எட்டு பேர் காயமடைந்து வைத்தியசாலையில் அனுமதிக்கப்பட்டுள்ளனர். கொங்கிறீட் கலவை வாகனமொன்று சாரதியின் கட்டுப்பாட்டை இழந்தமையே இந்த விபத்துக்குக் காரணம் எனப் பொலிஸார் சந்தேகிக்கின்றனர்.
கட்டுப்பாட்டை இழந்த குறித்த வாகனம், வீதியில் பயணித்த முச்சக்கர வண்டிகள், லொறிகள் மற்றும் மோட்டார் சைக்கிள்கள் உட்பட சுமார் எட்டு வாகனங்கள் மீது மோதி விபத்துக்குள்ளாகியுள்ளது.
இந்தச் சம்பவம் தொடர்பாக அலவத்துகொட காவல்துறையினர் மேலதிக விசாரணைகளை மேற்கொண்டு வருகின்றனர், மேலும் அதிவேகம் அல்லது இயந்திரக் கோளாறு காரணமாக வாகனம் கட்டுப்பாட்டை இழந்ததா என்பதை அதிகாரிகள் ஆராய்ந்து வருகின்றனர்.
