சுக்கிரனின் நட்சத்திரப் பெயர்ச்சி நாளை முதல்: இந்த 3 ராசிக்காரர்களுக்குப் பணமும் புகழும் அதிகரிக்கும்
ஜோதிடத்தில் சுக்கிரன் அசுரர்களின் குருவாகக் கருதப்படுகிறார். அழகு, ஆடம்பரம், காதல், செல்வம், செழிப்பு ஆகியவற்றுக்குக் காரணியான இந்தச் சுக்கிரன், ரிஷபம் மற்றும் துலாம் ராசிகளின் அதிபதி ஆவார். மாதத்திற்கு ஒருமுறை ராசியையும், அவ்வப்போது நட்சத்திரத்தையும் மாற்றும் சுக்கிரனின் நிலையில் ஏற்படும் மாற்றம் 12 ராசிக்காரர்களின் வாழ்க்கையிலும் தாக்கத்தை ஏற்படுத்தும்.
தற்போது மிருகசீரிஷ நட்சத்திரத்தில் பயணிக்கும் சுக்கிரன், மே 20ஆம் தேதி திருவாதிரை நட்சத்திரத்திற்குள் நுழைகிறார். ராகுவின் அதிபதியான இந்த நட்சத்திரத்துக்குச் சுக்கிரன் செல்வதால், அனைத்து ராசிக்காரர்களின் வாழ்க்கையிலும் ஏதாவது ஒரு வகையில் தாக்கம் இருக்கும். குறிப்பாக மூன்று ராசிக்காரர்களுக்கு இந்த நட்சத்திரப் பெயர்ச்சி சிறப்பான பலன்களைத் தரும்.
ரிஷபம்: சுக்கிரனின் நட்சத்திர பெயர்ச்சியால் ரிஷப ராசிக்காரர்களுக்கு நல்ல செய்திகள் கிடைக்கும். தொழில் மற்றும் வியாபாரத்தில் முன்னேற்றம். புதுமண தம்பதிகளுக்கு குழந்தை பாக்கியம். வாழ்க்கை குறித்த பார்வை மாறும். போட்டித் தேர்வுகளில் வெற்றி. சுக்கிரனின் ஆதிக்கத்தால் பணமும் வெற்றியும் குவியும். திருமணமாகாதவர்களுக்கு நல்ல வரன் அமையும்.
கும்பம்: இந்த ராசிக்காரர்களின் குடும்பப் பிரச்சனைகள் முடிவுக்கு வரும். ஆடம்பரப் பொருட்கள் வாங்க முடியும். பணியிடத்தில் உடன்பணியாளர்களின் முழு ஆதரவு கிடைக்கும். புதிய வீடு, வாகனம் வாங்கும் வாய்ப்பு. சிக்கிய பணம் கைக்கு வரும். நிதி ஆதாயம், வருமானத்தில் உயர்வு, வீட்டுச் சூழல் மகிழ்ச்சியாக இருக்கும்.
மிதுனம்: அதிர்ஷ்டத்தின் முழு ஆதரவு கிடைக்கும். நீண்ட நாள் ஆசைகள் நிறைவேறும். பணியிடத்தில் இலக்குகளை அடைந்து வெற்றி பெறலாம். குடும்பச் சூழல் மகிழ்ச்சி. திருமண வாழ்க்கையில் அன்பும் பிணைப்பும் அதிகரிக்கும். நேர்மறை எண்ணங்கள் ஏற்படும். வாழ்வில் ஏற்படும் மாற்றங்களை ஏற்றுக் கொண்டு சென்றால், எதிர்பாராத அளவில் சிறப்பான வாழ்க்கை அமையும்.
பொறுப்புத் துறப்பு: மேலே தரப்பட்டுள்ள தகவல்கள் இணையத்தில் கிடைக்கும் அனுமானங்கள் மற்றும் தகவல்களின் அடிப்படையில் அமைந்தவை. இதன் நம்பகத்தன்மைக்கு உத்தரவாதம் இல்லை. தமிழ்ப் போல்ட்ஸ்கையின் நோக்கம் தகவலை மட்டும் வழங்குவதே. எந்தவொரு தகவலையும் செயல்படுத்துவதற்கு முன், சம்பந்தப்பட்ட நிபுணரை அணுகவும்.
