கடவுச்சீட்டு விண்ணப்பதாரர்களுக்கு முக்கிய அறிவிப்பு! நேற்று முதல் இணையவழி முன்பதிவு கட்டாயம்
இலங்கையில் ஒக்டோபர் 29 முதல் பிராந்திய அலுவலகங்களில் கடவுச்சீட்டுக்கு விண்ணப்பிக்க இணையவழி முன்பதிவு கட்டாயம். ஒருநாள் மற்றும் சாதாரண சேவைகளுக்கும் பொருந்தும்.
இலங்கையில் கடவுச்சீட்டுக்கு விண்ணப்பிக்கவுள்ள பொதுமக்களுக்கு குடிவரவு மற்றும் குடியகல்வுத் திணைக்களம் முக்கிய அறிவிப்பொன்றை வெளியிட்டுள்ளது.
இதன்படி, குடிவரவு மற்றும் குடியகல்வுத் திணைக்களத்தின் பிராந்திய அலுவலகங்களில் கடவுச்சீட்டுக்கு விண்ணப்பிப்பவர்கள் நேற்று (29) முதல் இணையவழியில் திகதி மற்றும் நேரத்தை முன்பதிவு செய்வது கட்டாயமாக்கப்பட்டுள்ளதாக அறிவிக்கப்பட்டுள்ளது.
ஒருநாள் சேவை மற்றும் சாதாரண சேவை ஆகிய இரண்டு முறைகளின் கீழும் கடவுச்சீட்டுக்கு விண்ணப்பிப்பவர்களுக்கு இந்த நடைமுறை பொருந்தும் எனத் தெரிவிக்கப்பட்டுள்ளது.
இதற்கமைய, பிராந்திய அலுவலகங்களுக்கு நேரில் சென்று கடவுச்சீட்டு விண்ணப்பங்களைச் சமர்ப்பிக்க விரும்புவோர், அலுவலகத்திற்குச் செல்வதற்கு முன்னதாகவே இணையவழியில் தங்களுக்கான திகதி மற்றும் நேரத்தை ஒதுக்கிக்கொள்ள வேண்டும்.
புதிய நடைமுறை ஒக்டோபர் 29ஆம் திகதி முதல் அமுலுக்கு வரவுள்ளதாக குடிவரவு மற்றும் குடியகல்வுத் திணைக்களம் அறிவித்துள்ளது.
எனவே, பிராந்திய அலுவலகங்களில் கடவுச்சீட்டுக்கு விண்ணப்பிக்கத் திட்டமிட்டுள்ள பொதுமக்கள், முன்பதிவு தொடர்பான நடைமுறைகளை முன்கூட்டியே அறிந்துகொண்டு அதற்கேற்ப நடவடிக்கை எடுக்குமாறு அறிவுறுத்தப்படுகின்றனர்.
இணையவழி முன்பதிவு மற்றும் கடவுச்சீட்டு விண்ணப்ப நடைமுறைகள் தொடர்பான மேலதிக தகவல்களை குடிவரவு மற்றும் குடியகல்வுத் திணைக்களத்தின் அதிகாரப்பூர்வ இணையத்தளத்தின் ஊடாகப் பெற்றுக்கொள்ளலாம்.
