ஜூன் 29-ல் வக்ரமாகும் புதன்: இந்த 4 ராசிக்காரர்கள் கவனமா இருக்கணும்.. உங்க ராசி இதுல இருக்கா?
2026 ஜூன் 29 ஆம் தேதி புதன் கடக ராசியில் வக்ரமாகிறார். இந்த பின்னோக்கிய பயணம் மிதுனம், கன்னி, தனுசு மற்றும் மீனம் ஆகிய நான்கு ராசிக்காரர்களுக்கு மனக் குழப்பங்கள், தொழில் மற்றும் நிதி ரீதியான பிரச்சனைகளை ஏற்படுத்தக்கூடும்.
ஜோதிடத்தில் கிரகங்களின் இளவரசனாகக் கருதப்படுபவர் புதன். புத்திசாலித்தனம், பேச்சு, படிப்பு, வியாபாரம் ஆகியவற்றின் காரணியாகக் கருதப்படும் இந்தப் புதன், கிரகங்களிலேயே மிகவும் வேகமாகத் தனது நிலையை மாற்றக்கூடியவர். சந்திரனுக்கு அடுத்தப்படியாக குறுகிய காலத்தில் ராசியை மாற்றக்கூடியவர் புதன். இவர் மிதுனம் மற்றும் கன்னி ராசிகளின் அதிபதியாவார். புதன் ஜூன் 22 ஆம் தேதி கடக ராசிக்குள் நுழைந்தார்.
இந்நிலையில், புதன் ஜூன் 29 ஆம் தேதி வக்ர நிலையில் பின்னோக்கிப் பயணிக்கவுள்ளார். புதன் வக்ரமாவதால், அதன் தாக்கம் அனைத்து ராசிக்காரர்களின் வாழ்க்கையிலும் ஏதாவது ஒரு வகையில் தெரியும். சில ராசிக்காரர்களுக்கு அதிர்ஷ்டமாக இருந்தாலும், மிதுனம், கன்னி, தனுசு மற்றும் மீனம் ஆகிய நான்கு ராசிக்காரர்கள் மனக் குழப்பங்கள், தொழில் மற்றும் நிதி ரீதியான பிரச்சனைகளைச் சந்திக்க நேரிடும். எனவே, இந்த ராசிக்காரர்கள் எந்தவொரு பெரிய முடிவுகளையும் அவசரமாக எடுக்காமல், பொறுமையைக் கடைப்பிடிக்க வேண்டும்.
முதல் ராசியான மிதுனத்திற்கு, இரண்டாவது வீட்டில் புதன் வக்ரமாவதால், பணியிடத்தில் ஏற்ற இறக்கங்களைச் சந்திப்பார்கள். அலுவலகத்தில் உடன் வேலை செய்வோர் மற்றும் உயர் அதிகாரிகளுடன் தவறான புரிதல்கள் அதிகரிக்கும்; உறவில் விரிசல் ஏற்படும் வாய்ப்புள்ளது. இதனால் வேலையில் பிரச்சனைகள் வரும். பேசும் போது வார்த்தைகளை கவனமாகப் பயன்படுத்த வேண்டும். இல்லாவிட்டால், அதுவே பல பிரச்சனைகளைச் சந்திக்க வைத்துவிடும். இக்காலத்தில் எந்த ஒரு முக்கிய முடிவுகளை எடுப்பதையோ அல்லது புதிய வேலைகளைத் தொடங்குவதையோ தவிர்ப்பது நல்லது.
இரண்டாவதாக, கன்னி ராசிக்கு, 11-ஆவது வீட்டில் புதன் வக்ரமாவதால், பணிச்சுமை மற்றும் மன அழுத்தம் அதிகரிக்கும். பணியிடத்தில் பொறுப்புகள் அதிகரித்து, ஓய்வெடுக்க முடியாமல் மிகுந்த உடல் சோர்வைச் சந்திக்க நேரிடும். வேலையில் செய்யும் சிறு தவறுகளும் பெரிய பிரச்சனையாக மாறக்கூடும். எனவே எந்த வேலையைச் செய்தாலும், கவனமாகச் செய்ய வேண்டும். கூட்டு வணிகம் செய்பவர்கள் தங்கள் கூட்டாளருடன் வெளிப்படைத்தன்மையைப் பேண வேண்டும். இல்லாவிட்டால் அது தவறான புரிதலை ஏற்படுத்தி உறவைப் பாதித்துவிடும்.
மூன்றாவதாக, தனுசு ராசிக்கு, 8-ஆவது வீட்டில் புதன் வக்ரமாவதால், தொழில் மற்றும் பண விஷயங்களில் பொறுமையாக இருக்க வேண்டும். அவசரப்பட்டு எதையும் செய்வதைத் தவிர்க்க வேண்டும். வேலையை மாற்றும் எண்ணம் இருந்தால், அதைத் தள்ளிப் போடுவது நல்லது. அவசரப்பட்டு எந்த முதலீடுகளையும் செய்யக்கூடாது; எந்த ஒரு பணம் தொடர்பான முடிவுகளையும் எடுக்காதீர்கள். இல்லாவிட்டால் இழப்புகளைச் சந்திக்க நேரிடும். எந்த ஒரு ஒப்பந்தத்தையும் படிக்காமல் கையெழுத்திடுவதைத் தவிர்க்க வேண்டும். இல்லாவிட்டால் எதிர்காலத்தில் பெரிய பிரச்சனையைச் சந்திக்க நேரிடும்.
நான்காவதாக, மீனம் ராசிக்கு, 5-ஆவது வீட்டில் புதன் வக்ரமாவதால், பணப் பிரச்சனைகளை அதிகம் சந்திப்பார்கள். வரவு-செலவுகளுக்கு இடையில் சமநிலை சீர்குலைந்து, மன அழுத்தத்தை உண்டாக்கும். பணியிடத்தில் பிரச்சனைகளைச் சந்திக்க நேரிடும். யாரையும் கண்மூடித்தனமாக நம்புவதைத் தவிர்க்க வேண்டும். இல்லாவிட்டால் ஏமாற்றத்தைச் சந்திக்க நேரிடும். தேவையற்ற செலவுகளைக் கட்டுப்படுத்த வேண்டும். இல்லையெனில் பணப் பிரச்சனையால் அவதிப்படக்கூடும். இந்த நான்கு ராசிக்காரர்களும் ஜூன் 29 முதல் கூடுதல் கவனத்துடன் செயல்பட வேண்டும்.
பொறுப்புத் துறப்பு: மேலே கொடுக்கப்பட்டுள்ள தகவல்கள் இணையத்தில் கிடைக்கும் அனுமானங்கள் மற்றும் பாரம்பரிய ஜோதிட நம்பிக்கைகளை அடிப்படையாகக் கொண்டவை
