கடைசி நேரத்தில் கை நழுவிப் போன ஃபைனல் வாய்ப்பு! – எலிமினேட் ஆன சுபிக்ஷாவின் சம்பளம் வெளியானது!

பிக் பாஸ் 9-ன் இறுதிக் கட்டத்தில், ரசிகர்கள் ஃபைனல் வரை வருவார் என மிகவும் எதிர்பார்த்த சுபிக்ஷா திடீரென வெளியேற்றப்பட்டது பெரும் அதிர்ச்சியை ஏற்படுத்தியுள்ளது. பிக் பாஸ் வரலாற்றில் முதல் முறையாக ஒரே வாரத்தில் மூன்று போட்டியாளர்கள் — பார்வதி, கம்ருதீன் மற்றும் சுபிக்ஷா — வெளியேறியுள்ளனர்.

இதில், பார்வதி மற்றும் கம்ருதீன் ஆகியோர் சமீபத்திய டிக்கெட் டூ ஃபினாளே கார் டாஸ்கில் சாண்ட்ராவுடன் ஏற்பட்ட சச்சரவில் அவரை காரிலிருந்து தள்ளியதற்காக விஜய் சேதுபதி அவர்களுக்கு ரெட் கார்டு வழங்கி வெளியேற்றினார். இதன் விளைவாக, அவர்களுக்கு எந்தவித சம்பளமும் வழங்கப்படவில்லை என தெரிகிறது.

அதே நேரத்தில், சுபிக்ஷா வீட்டில் மொத்தம் 92 நாட்கள் தங்கியிருந்தார். டாஸ்க்குகளில் அதிரடியாக செயல்பட்டு பல முறை வெற்றி பெற்ற அவர், மெதுவான நடத்தை காரணமாக ரசிகர் வாக்குகளில் குறைவாக இருந்து எலிமினேஷனுக்கு உள்ளானார்.

இது பலரையும் ஆச்சரியத்தில் ஆழ்த்தியது. சுபிக்ஷாவின் நாள் சம்பளம் சுமார் ₹8,000 என ஊடகங்கள் தெரிவிக்கின்றன. இந்த அடிப்படையில், 92 நாட்களுக்கான மொத்த சம்பளம் சுமார் ₹7,36,000 ஆக இருக்கலாம் என மதிப்பிடப்படுகிறது. இது அவருக்கு வழங்கப்படவுள்ளது.

தற்போது பிக் பாஸ் வீட்டில் அரோரா, சபரி, கானா வினோத், விக்ரம், திவ்யா மற்றும் சாண்ட்ரா ஆகிய 6 போட்டியாளர்கள் மட்டுமே உள்ளனர். இறுதி வெற்றியாளரைத் தேர்ந்தெடுக்கும் நாட்கள் நெருங்கும் நிலையில், முந்தைய போட்டியாளர்கள் பிக் பாஸ் கொண்டாட்டப் பகுதியாக மீண்டும் வீட்டிற்குள் திரும்பி வருவதும் ரசிகர்களை உற்சாகப்படுத்தி உள்ளது.