சூரிய பெயர்ச்சியால் நிதி நெருக்கடியைச் சந்திக்கவுள்ள ராசிகள்: ஜாக்கிரதையா இருந்துகோங்க!

ஜோதிட சாஸ்திரத்தில் கிரகங்களின் தலைவராகக் கருதப்படும் சூரியன் சிம்ம ராசியின் அதிபதியாவார். தலைமைத்துவம், அதிகாரம், ஆன்மா மற்றும் தந்தை ஆகியவற்றின் காரணியாக விளங்கும் சூரியனின் ராசி மாற்றமானது மேஷம் முதல் மீனம் வரையிலான அனைத்து ராசிகளிலும் குறிப்பிட்ட தாக்கங்களை ஏற்படுத்தும்.

இந்த பெயர்ச்சியின் மூலம் சில ராசிகளுக்கு நற்பலன்கள் கிடைத்தாலும், மிதுனம், கன்னி, தனுசு மற்றும் கும்பம் ஆகிய நான்கு ராசிக்காரர்கள் பண விவகாரங்களில் மிகுந்த விழிப்புணர்வுடன் இருக்க வேண்டும் எனத் தெரிவிக்கப்பட்டுள்ளது.

மிதுன ராசியின் ஐந்தாம் வீட்டிற்கு சூரியன் பெயர்ச்சியாவதால், திட்டமிட்ட காரியங்களில் எதிர்பார்த்த வெற்றியைப் பெறுவதில் தாமதம் ஏற்படலாம். மாணவர்கள் கல்வித் துறையில் இலக்குகளை எட்ட கூடுதல் உழைப்பைச் செலுத்த வேண்டிய சூழல் உருவாகும்.

குறிப்பாக நிதி மேலாண்மையில் கூடுதல் கவனம் தேவைப்படுவதோடு, வீண் விரயங்களைக் கட்டுப்படுத்தாவிட்டால் பண நெருக்கடிக்கு ஆளாக நேரிடும். எனவே எந்தவொரு பணப் பரிவர்த்தனையை மேற்கொள்ளும் போதும், நிதி முடிவுகளை எடுக்கும் போதும் கூடுதல் முன்னெச்சரிக்கை அவசியமாகிறது.

கன்னி ராசியைப் பொறுத்தமட்டில் சூரியன் இரண்டாம் வீட்டிற்குள் நுழைகிறார். இதனால் தொழில் மற்றும் பணிச் சூழலில் சில சவால்கள் எழ வாய்ப்புள்ளது. பணியிடத்தில் சக ஊழியர்களுடனோ அல்லது உயர் அதிகாரிகளுடனோ வாக்குவாதங்களில் ஈடுபடுவதைத் தவிர்ப்பது நலம் பயக்கும். ஒப்படைக்கப்பட்ட பணிகளைத் துல்லியமாகச் செய்வதோடு, நிர்ணயிக்கப்பட்ட இலக்குகளை முடிக்க வழக்கத்தை விடக் கூடுதலாகப் பாடுபட வேண்டியிருக்கும். அத்துடன் நிதி தொடர்பான பரிவர்த்தனைகளில் தீவிர கவனம் செலுத்த அறிவுறுத்தப்படுகிறது.

தனுசு ராசியின் பதினொன்றாம் வீட்டிற்குச் செல்லும் சூரியனால் பல்வேறு நடைமுறைச் சிக்கல்கள் உருவாகக்கூடும். திட்டமிட்ட பணிகளில் தடைகள் தோன்றுவதுடன், தொழில் மற்றும் உத்தியோகத்தில் எதிர்பாராத சவால்கள் வரக்கூடும். பண விவகாரங்களில் எவரையும் கண்மூடித்தனமாக நம்புவதைத் தவிர்க்க வேண்டும். உடல் ஆரோக்கியத்தில் பாதிப்புகள் நேரிட வாய்ப்புள்ளதுடன், குடும்ப உறுப்பினர்களிடையே கருத்து வேறுபாடுகள் தோன்றி மன அமைதியைக் குலைக்கக்கூடும் என்பதால் நிதானம் தேவையாகிறது.

கும்ப ராசியின் ஒன்பதாம் வீட்டிற்கு சூரியன் மாறுவதால், இந்த ராசியினர் ஒவ்வொரு காரியத்திலும் மிகுந்த கவனத்துடன் செயல்பட வேண்டும். நிதானமான பேச்சும், அவசர முடிவுகளைத் தவிர்ப்பதும் அவசியமாகும். தொழில்துறையினர் நஷ்டங்களைச் சந்திக்கவும், வணிகர்களுக்கு புதிய ஒப்பந்தங்கள் கைநழுவிப் போகவும் வாய்ப்புள்ளது. சொத்து சார்ந்த முக்கிய ஆவணங்களை முழுமையாகப் படித்துப் பார்க்காமல் கையொப்பமிடுவதைத் தவிர்க்க வேண்டும். மேலும் வீண் செலவுகளைக் குறைத்துச் சேமிப்பில் கவனம் செலுத்துவது உகந்ததாகும்.