கேதுவின் கோரப் பார்வை ஆரம்பம்: இந்த 3 ராசிக்காரர்களுக்கு இனி சோதனைகள் அதிகம்… கஷ்டங்களை எப்படி தவிர்க்கலாம்?
ஜனவரி 25ஆம் தேதி கேது பகவான் தனது நட்சத்திரமான பூரம் நட்சத்திரத்தின் இரண்டாம் கட்டத்திலிருந்து முதல் கட்டத்திற்கு பெயர்ச்சி அடைய உள்ளார்.
ஜோதிட சாஸ்திரத்தின் படி, நிழல் கிரகமான கேது ஏற்படுத்தும் நட்சத்திர மாற்றங்கள் மனித வாழ்க்கையில் ஆழமான தாக்கங்களை ஏற்படுத்தும். அந்த வகையில், வரும் ஜனவரி 25ஆம் தேதி கேது பகவான் தனது நட்சத்திரமான பூரம் நட்சத்திரத்தின் இரண்டாம் கட்டத்திலிருந்து முதல் கட்டத்திற்கு பெயர்ச்சி அடைய உள்ளார். இந்த நட்சத்திரப் பகுதி மாற்றம் மார்ச் 29ஆம் தேதி வரை, சுமார் 65 நாட்கள் நீடிக்கிறது.
கேது தனது சொந்த நட்சத்திரப் பகுதியில் சஞ்சரிப்பதால், இந்த காலகட்டத்தில் சில ராசிக்காரர்களுக்கு வாழ்க்கையில் சோதனைகள், தடை, மனக்குழப்பம் மற்றும் எதிர்பாராத பிரச்சினைகள் உருவாகலாம் என்று ஜோதிடர்கள் கூறுகின்றனர். குறிப்பாக மூன்று ராசிகளுக்கு இந்த காலம் சற்று கடினமானதாக இருக்கலாம்.
மிதுன ராசிக்காரர்களுக்கு கேதுவின் இந்த நட்சத்திர மாற்றம் உழைப்புக்கும் பலனுக்கும் இடையில் இடைவெளியை உருவாக்கக்கூடும். எவ்வளவு கடினமாக உழைத்தாலும், எதிர்பார்த்த பலன் உடனடியாக கிடைக்காமல் தாமதம் ஏற்படலாம். குடும்பத்தில் கணவன்–மனைவி இடையே மனக்கசப்புகள் அதிகரிக்கும் சூழல் உருவாகலாம். சிலருக்கு வேலை தொடர்பான நிலைமை மாற்றமடையலாம்; வேலை இல்லாமல் வீட்டில் இருக்க வேண்டிய நிலையும் உருவாக வாய்ப்பு உள்ளது. பதவி உயர்வு அல்லது ஊதிய உயர்வு கிடைப்பதில் தாமதம் ஏற்படலாம். இந்த காலகட்டத்தில் பொறுமையும் அமைதியும் மிக அவசியம்.
துலாம் ராசிக்காரர்களுக்கும் கேதுவின் தாக்கம் பொருளாதார ரீதியாக சவால்களை உருவாக்கக்கூடும். வருமானத்துடன் ஒப்பிடும்போது செலவுகள் அதிகரிக்கும் சூழல் உருவாகலாம். பண விஷயங்களில் எச்சரிக்கையுடன் செயல்படாவிட்டால் சிக்கல்களில் சிக்கும் அபாயம் உள்ளது. கடின உழைப்பு அதிகமாக இருக்கும். சிலருக்கு மன அழுத்தம், கவலை போன்றவை ஏற்படலாம். மருத்துவ செலவுகள் அல்லது தேவையற்ற வீண் செலவுகள் உருவாகக்கூடும். உடல் ஆரோக்கியத்தில் கூடுதல் கவனம் செலுத்துவது நல்லது.
மீன ராசிக்காரர்களுக்கும் இந்த காலம் சற்று கவனத்துடன் செயல்பட வேண்டியதாக இருக்கும். வேலை மாற்றம் அல்லது ராஜினாமா செய்யும் விஷயங்களில் அவசரம் காட்டாமல், புதிய வேலை உறுதியாக கிடைத்த பிறகே முடிவெடுப்பது நன்மை தரும். ஏழரை சனி காலகட்டம் நடந்து கொண்டிருப்பதால், எந்த விஷயத்திலும் அலட்சியம் கூடாது. வாகனங்களில் பயணம் செய்யும் போது கூடுதல் கவனம் தேவை. பண விஷயங்களில் ஆபத்தான முதலீடுகள் அல்லது தேவையற்ற செலவுகளை தவிர்ப்பது நல்லது.
மொத்தத்தில், கேதுவின் இந்த நட்சத்திர மாற்ற காலத்தில் பொறுமை, சுயக்கட்டுப்பாடு மற்றும் எச்சரிக்கை ஆகியவை மூன்று முக்கியமான கவசங்களாக இருக்கும். தேவையற்ற முடிவுகளை தவிர்த்து, ஆன்மிக வழிபாடுகள் மற்றும் நல்ல பழக்கங்களை பின்பற்றுவது மன அமைதியை வழங்கும்.
