ஆபாச தளத்தில் தனது புகைப்படம்… ஜான்வி கபூர் வெளியிட்ட அதிர்ச்சி தகவல்

பாலிவுட் நடிகை Janhvi Kapoor, இணையத்தில் பரவி வரும் டீப்பேக் பிரச்சினையைச் சுற்றியுள்ள அதிர்ச்சிகரமான அனுபவத்தை பகிர்ந்து ரசிகர்களை உலுக்கியுள்ளார்.

தற்போது இந்திய சினிமாவில் முன்னணி நடிகைகளில் ஒருவராக வளர்ந்து வரும் அவர், தனது பள்ளி நாட்களிலேயே இதுபோன்ற ஒரு சம்பவத்தை எதிர்கொண்டதாக தெரிவித்துள்ளார்.

ஒரு பேட்டியில் பேசும்போது, 15 வயதில் பள்ளியில் ஐடி வகுப்பின்போது, சில மாணவர்கள் பார்த்துக்கொண்டிருந்த 18+ இணையதளத்தில் தன்னுடைய புகைப்படம் இருப்பதை பார்த்ததாக அவர் கூறினார்.

அது உண்மையான புகைப்படமா அல்லது டீப்பேக் தொழில்நுட்பத்தின் மூலம் மாற்றப்பட்டதா என்பது அப்போது புரியாமல், மிகுந்த அதிர்ச்சியிலும் குழப்பத்திலும் இருந்ததாக அவர் நினைவுகூர்ந்தார்.

சமீப காலங்களில் டீப்பேக் தொழில்நுட்பம் மூலம் நடிகைகள் தவறாக சித்தரிக்கப்படும் சம்பவங்கள் அதிகரித்து வருகின்றன. Rashmika Mandanna, Alia Bhatt உள்ளிட்ட பலரும் இதுபோன்ற பிரச்சினைகள் குறித்து முன்பே கண்டனம் தெரிவித்துள்ளனர்.

அந்த வரிசையில், ஜான்வி கபூரின் இந்த வெளிப்பாடு மீண்டும் இந்த விவகாரத்தின் தீவிரத்தை வெளிச்சத்துக்கு கொண்டு வந்துள்ளது.

மேலும், சில நேரங்களில் அதிகாரப்பூர்வ செய்தி தளங்களில்கூட தாம் அணியாத ஆடைகள் அல்லது செய்யாத போஸ்களில் உருவாக்கப்பட்ட படங்கள் பகிரப்படுவதாகவும், அது மனஅழுத்தத்தை ஏற்படுத்துவதாகவும் அவர் குறிப்பிட்டுள்ளார்.