கள்ளக்காதலில் ஈடுபடுவதற்கு முன் ஆண்கள் காட்டும் 8 முக்கிய அறிகுறிகள் – பெண்களே உஷாரா இருங்கள்!
திருமணம் என்பது புனிதமான ஒரு உறவு. ஆனால், தற்காலத்தில் அந்த உறவின் மீதான புரிதல் மாறிவருவதை தவிர்க்க முடியவில்லை. ஆண்களும் பெண்களும் திருமணம் மீறிய உறவுகளில் ஈடுபடுவது அதிகரித்து வருகிறது. இது குடும்ப அமைப்பு, பண்பாடு மற்றும் சமூக மதிப்புகளைத் தாக்குகிறது.
திருமணம் என்பது புனிதமான ஒரு உறவு. ஆனால், தற்காலத்தில் அந்த உறவின் மீதான புரிதல் மாறிவருவதை தவிர்க்க முடியவில்லை. ஆண்களும் பெண்களும் திருமணம் மீறிய உறவுகளில் ஈடுபடுவது அதிகரித்து வருகிறது. இது குடும்ப அமைப்பு, பண்பாடு மற்றும் சமூக மதிப்புகளைத் தாக்குகிறது.
எனினும், கள்ள உறவில் ஈடுபடுவது என்பது ஒரு நாளில் தீர்மானிக்கப்படும் விஷயமல்ல. மனதளவில் பல முரண்பாடுகளையும், மன போராட்டங்களையும் சந்தித்த பிறகே அவர்கள் அந்தப் பாதையில் அடி எடுத்து வைக்கின்றனர். குறிப்பாக, ஆண்கள் திருமணம் மீறிய உறவில் ஈடுபடுவதற்கு முன், சில முன்னறிவிப்பு அறிகுறிகளைக் காட்டுவது வழக்கம். அவை என்ன என்று இங்கே பார்ப்போம்.
1. அலுவலக நேரம் திடீரென அதிகரிப்பு
வழக்கத்திற்கு மாறாக, இரவு நேரங்களில் தாமதமாக வருவது, விடுமுறை நாட்களில் "அலுவலகம் போக வேண்டும்" என்று சொல்வது போன்றவை எச்சரிக்கை சமிக்ஞைகளாக இருக்கலாம். இவை பெரும்பாலும், மற்றொருவருடன் நேரம் செலவிட பொய்க் காரணங்களாக இருக்கின்றன.
2. செல்போனில் அதிக ரகசியம்
செல்போன் இன்று ஒருவரின் அனைத்து ரகசியங்களின் களஞ்சியம். கள்ள உறவைத் தொடங்க நினைக்கும் ஆண்கள், தங்கள் போனை வெகுவாக பாதுகாப்பாக வைத்திருப்பார்கள். பாஸ்வேர்டுகளை அடிக்கடி மாற்றுவது, போனை யாரிடமும் கொடுக்காமல் இருப்பது, மெசேஜ்களை உடனுக்குடன் டிலீட் செய்வது போன்றவை இதற்கான சான்றுகள்.
3. மர்மமான நடத்தை
பொய் சொல்லுதல், சந்திப்புகளை மறைத்தல், கால் வந்தால் உடனடியாக வெளியே செல்லுதல், போனை சைலன்ட் மோடில் வைத்திருத்தல் – இவை அனைத்தும் மறைக்கப்பட்ட உறவின் அறிகுறிகளாகும். இதுவரை பிடிக்காத ஆடைகள், நிறங்கள் போன்றவற்றில் ஆர்வம் காட்டுவதும் "வேறொருவரின்" பிடிப்புகளை பின்பற்றுவதின் அடையாளமாக இருக்கலாம்.
4. புதிய பொழுதுபோக்குகளில் ஆர்வம்
புதிய திறன்களைக் கற்றுக்கொள்வது நல்லதுதான். ஆனால், அது முற்றிலும் புதிய நபர்களுடன் சந்திப்புகளை ஏற்படுத்துவதற்காகவோ, வீட்டை விட்டு வெளியேற காரணமாகவோ இருந்தால், அது எச்சரிக்கை அலாரம்.
5. நடத்தையில் குறிப்பிடத்தக்க மாற்றம்
திடீரென குடும்ப உறுப்பினர்களிடம் கோபம், விலகல், மனைவியை விமர்சித்தல், எப்போதும் குழப்பமான/குளிர்ந்த மனநிலை – இவையெல்லாம் மனதில் ஏற்படும் முரண்பாடுகளின் வெளிப்பாடுகளாக இருக்கலாம்.
6. குடும்பத்தை மறைக்க முயற்சி
சமூக ஊடகங்களில் குடும்பப் புகைப்படங்களை நீக்குவது, WhatsApp ப்ரொஃபைல் பிக்சராக தனியாக இருப்பது, பொதுவெளியில் "சிங்கிள்" போல நடிப்பது – இவை மற்றவர்களை ஈர்க்கும் முயற்சியாக இருக்கலாம்.
7. தோற்றத்தில் திடீர் சுயவிழிப்பு
திடீரென உடல் எடை குறைக்க முயற்சி, புதிய ஆடைகள், ஹேர்ஸ்டைல், மேக்கப் போன்றவற்றில் ஆர்வம் – இவை யாரோ ஒருவரை ஈர்க்க வேண்டும் என்ற உள்நோக்கத்தின் பிரதிபலிப்பு ஆகலாம்.
8. பாலியல் நெருக்கத்தைத் தவிர்த்தல்
மனைவியுடனான உடல் உறவைத் தவிர்ப்பது, நெருக்கத்தில் சலிப்பு காட்டுவது, அல்லது குற்ற உணர்ச்சியால் தொடர்பு கொள்ள மறுப்பது – இவையெல்லாம் வேறொருவர் மீதான ஈர்ப்பின் அறிகுறிகளாக இருக்கலாம்.
