'புன்னகை அரசி' சினேகா... நடிகை சினேகாவின் சொத்து மதிப்பு இவ்வளவா?

தமிழ் திரையுலகில் புன்னகை அரசி என ரசிகர்களால் அன்புடன் அழைக்கப்படும் நடிகை சினேகா, தனது நாற்பத்தைந்தாம் பிறந்தநாளைக் கொண்டாடியுள்ளார். இந்த நிலையில் அவரது சொத்து மதிப்பு குறித்த தகவல்கள் வெளியாகியுள்ளன.

மலையாள திரைப்படத்தின் மூலம் 2000ஆம் ஆண்டில் திரையுலகில் அறிமுகமான சினேகா, பின்னர் தமிழ் சினிமாவில் என்னவளே என்ற படத்தின் வழியாக அறிமுகமானார்.

அதைத் தொடர்ந்து ஆனந்தம், உன்னை நினைத்து, வசீகரா, ஏப்ரல் மாதத்தில் உள்ளிட்ட பல படங்களில் நடித்து ரசிகர்களின் மனதில் இடம் பிடித்தார்.

அச்சமுண்டு அச்சமுண்டு என்ற படத்தில் நடிகர் பிரசன்னாவுடன் இணைந்து நடித்தபோது அவருடன் காதல் ஏற்பட்டு, 2012ஆம் ஆண்டில் இருவரும் திருமணம் செய்துகொண்டனர்.

இந்தத் தம்பதியினருக்கு விஹான் என்ற மகனும், ஆத்யாந்தா என்ற மகளும் உள்ளனர். அவ்வப்போது தனது குழந்தைகள் மற்றும் குடும்பத்தினருடன் எடுத்த புகைப்படங்களை சமூக வலைதளங்களில் பகிர்ந்து வரும் சினேகா, இன்று தனது நாற்பத்தைந்தாம் பிறந்தநாளைக் கொண்டாடியுள்ளார்.

திருமணத்திற்குப் பிறகு முக்கியமான வேடங்களில் மட்டும் நடித்து வரும் சினேகா, விஜய்யுடன் இணைந்து GOAT படத்தில் நடித்திருந்தார். இந்தப் படத்திற்காக அவர் ஒரு கோடி ரூபாய் சம்பளம் பெற்றதாக தகவல்கள் தெரிவிக்கின்றன.

வெள்ளித்திரை மற்றும் சின்னத்திரை என இரண்டிலும் தனது திறமையை வெளிப்படுத்தி வரும் அவர், தொலைக்காட்சிகளில் ஒளிபரப்பாகும் நடன நிகழ்ச்சி ஒன்றில் நடுவராகவும் பணியாற்றி வருகிறார்.

சுமார் இருபத்துநான்கு ஆண்டுகளாக தமிழ், தெலுங்கு மற்றும் மலையாள சினிமாக்களில் தனது முத்திரையைப் பதித்து வரும் சினேகாவின் சொத்து மதிப்பு எழுபது கோடி ரூபாய் வரை இருக்கும் எனக் கூறப்படுகிறது. கணவர் பிரசன்னாவின் சொத்து மதிப்பு நாற்பத்தைந்து கோடி எனக் கணக்கிடப்படும் நிலையில், இருவரது சொத்துகளையும் சேர்த்தால் சுமார் நூறு கோடி ரூபாய் இருக்கும் எனத் தெரிவிக்கப்படுகிறது.

மேலும் சென்னையில் இவர்களுக்கு சொந்தமான சொகுசு பங்களா ஒன்று உள்ளதாகவும், அதன் மதிப்பு பதினைந்து கோடி ரூபாய் எனவும் கூறப்படுகிறது. இருவரும் தனித்தனியாக சொகுசு கார்களைப் பயன்படுத்தி வருகின்றனர். நீண்ட காலமாக திரையுலகில் தொடர்ந்து செயல்பட்டு வரும் ஒரு நடிகையாக, தனது குடும்ப வாழ்வையும் தொழில் வாழ்வையும் சமநிலையுடன் நடத்தி வருவது சினேகாவின் தனித்துவமான அம்சமாகும்.