மீண்டும் உங்கள் Ex உடன் சேர ஆசையா? அப்போ இந்த பரிகாரத்தை செய்யுங்கள்!
காதல் வாழ்க்கையில் காணப்பட்ட பிரச்சனைகளுக்கு தீர்வு கண்டு, உங்கள் முன்னாள் காதல் துணையுடன் மீண்டும் இணைய உதவும் ஜோதிட பரிகாரங்கள் சிலவற்றை குறித்து இங்கு நாம் பார்க்கலாம்.
மேஷ ராசியினர், காதல் முறிவுக்கு பின்னர் மீண்டும் தங்கள் முன்னாள் துணையுடன் இணைவதற்கு நாடகத்தனமான விஷயங்களை செய்ய வேண்டி இருக்கும். அதில் ஒரு பகுதியாக, உங்கள் காதல் துணையுடன் மனம் உருகி மன்னிப்பு கேட்க வேண்டி இருக்கும். காதல் உறவில் இருந்த போது நீங்கள் செய்த தவறுகள் மற்றும் செய்யாத தவறுக்கும் மன்னிப்பு கேட்பதன் மூலம், மீண்டும் உங்கள் Ex உடன் இணைய முடியும் என நிபுணர்கள் குறிப்பிடுகின்றனர்!
ரிஷப ராசியினர், கொண்டவர்கள் காதல் முறிவை சந்திப்பதற்கு காரணம் அவர்களின் ஆடம்பர பழக்கமும், ஆதிக்க பண்பும் தான். இந்த பண்புகளை மாற்றிக்கொண்டு எளிமையாக இருப்பதன் மூலம், தனது காதல் துணையுடன் மீண்டும் இணையும் வாய்ப்பு பெறுவார்கள். அதாவது, தனது Ex-ன் மனதை மாற்றி, மீண்டும் அவருடன் இணைந்து காதல் உறவை தொடங்குவார்கள் என நிபுணர்கள் குறிப்பிடுகின்றனர்!
மிதுன ராசியினரை அவர்களின் காதல் துணை விட்டு செல்வதற்கு ஒரு முக்கிய காரணமாக அவர்களின் பொருளாதார நிலை பார்க்கப்படுகிறது. முன்னாள் காதல் துணையாக மாறிய அந்த ஒரு நபரை உங்கள் வாழ்க்கையில் மீண்டும் கொண்டு வர, உங்களுக்கு இருக்கும் ஒரே வழி உங்கள் பொருளாதார நிலையை மேம்படுத்துவது. பணம் - காசு இருப்பவர்கள், சமூகத்தில் தனக்கென ஒரு தனி அடையாளத்தை உண்டாக்குவதன் மூலம் - மீண்டும் அவருடன் இணையலாம்!
கடக ராசியினர் இயல்பாகவே அன்பு செலுத்தக் கூடியவர்கள். தங்கள் மனதிற்கு பிடித்த நபர்கள் அனைவருடனும் கனிவாக செயல்பட விரும்பும் அவர்கள், தங்கள் காதல் வாழ்க்கையில் காணப்பட்ட பிரச்சனைகளுக்கு முடிவு கண்டு, மீண்டும் தனது Ex உடன் இணைய, தனது பாசத்தை குறைக்காது - அவருக்காக காத்திருந்து, மீண்டும் தனது காதலை தெரிவிப்பது அவசியம் என நிபுணர்கள் குறிப்பிடுகின்றனர்!
சிம்ம ராசியினர், தங்கள் முன்னாள் காதல் துணையுடன் மீண்டும் இணைவதற்கு, அவரை முடிந்தளவுக்கு புகழ வேண்டும். அதாவது, அவரை புகழந்து பாராட்டுவதன் மூலமும், அவரின் சிறு சிறு செயல்பாடுகளை புகழந்து பேசுவதன் மூலமும், அவரின் மனதை வென்று - மீண்டும் அவருடன் இணையும் வாய்ப்பு பெறலாம். முடிந்தளவுக்கு அவரின் புகழை மற்றவர் அறிய பிரபலப்படுத்துவது உங்கள் காதல் வாழ்க்கையில் காணப்படும் பிரச்சனைகளை தீர்க்க உதவி செய்யும்!
கன்னி ராசியினர், ஆழ்ந்த சிந்தனையாளர்கள், எதார்த்த வாழ்வுக்கு பொருந்தும் சிந்தனைகளுக்கு மதிப்பு அளிப்பவர்கள். இவர்களின் குணத்திற்கு மாறான நபர்களே பெரும்பாலும் இவர்களின் காதல் துணையாக அமைகின்றனர் - இது காதல் முறிவுக்கு வழிவகுக்கிறது. இந்நிலையில், தங்கள் எண்ணத்தில் சமரசம் செய்து, தனது Ex-யை அவரின் பண்புகளுடன் அப்படியே ஏற்றுக்கொள்ள, அவருடன் மீண்டும் காதல் உறவை தொடரலாம்!
துலாம் ராசியினர், தங்கள் காதல் உறவில் பிரச்சனைகளை காண்பதற்கு காரணமாக இருப்பது அவர்களின் பிடிவாதம் தான். காதல் முறிவுக்கு பின்னரும் உங்கள் பிடிவாதத்தை சுமந்திருப்பது நல்லது அல்ல. உங்கள் பிடிவாத குணத்தை விட்டுக் கொடுப்பதன் மூலம், உங்கள் முன்னாள் காதல் துணையின் மனதை வென்று, அவருடன் மீண்டும் இணையும் வாய்ப்பு பெறுவார்கள்!
விருச்சிக ராசியினர், தங்கள் உள் உணர்வுகளுக்கு மதிப்பு அளித்து செயல்படுபவர்கள். தங்கள் விருப்பத்திற்கு மாறான காரியங்கள் நடக்கும் போது, கோவம் கொண்டு உறவில் விரிசலை உண்டாக்குகிறார்கள். நிபுணர்கள் கூற்றுப்படி, விருச்சிக ராசியினரின் குணத்தில் தவறுகள் இல்லை - தங்கள் குணத்தை, உணர்வை தனது காதல் துணைக்கு புரிய வைப்பதன் மூலம், மீண்டும் அவருடன் இணையும் வாய்ப்பு பெறலாம்!
தனுசு ராசியினர், காதல் முறிவை சந்திப்பதற்கு மிக முக்கிய காரணமாக இருப்பது, தங்கள் காதல் துணையின் தனி நபர் சுதந்திரத்தை அனுமதிக்காமல் இருப்பதால் தான். தனுசு ராசி கொண்டவர்கள் இயல்பாகவே, தனித்து செயல்படுபவர்கள், தனி நபர் சுதந்திரத்தை மதிப்பவர்கள். ஆனால், காதல் உறவில் இணைந்த பின், தனது வழக்கத்தை மறந்து கடுமையாக நடந்துக் கொள்கின்றனர். இந்த குணத்தை மாற்றிக் கொள்வதன் மூலம் மீண்டும் Ex உடன் இணைந்து மகிழ்ச்சியாக வாழலாம்!
மகர ராசியினரை அவர்களின் காதல் துணை விலக்கி வைப்பதற்கு காரணம், அவர்களின் சோம்பேறித்தனம் தான். மகர ராசி கொண்டவர்கள் தங்கள் சோம்பேறித்தனத்தை விட்டு, சுறுசுறுப்புடன் செயல்படுத்து, தனது வாழ்க்கை லட்சியத்தை நோக்கி பயணிக்க மீண்டும் தனது காதல் துணையுடன் இணைய முடியும் என நிபுணர்கள் குறிப்பிடுகின்றனர். அதாவது, தங்கள் குணத்தை மாற்றிக்கொள்வதன் மூலம் காதல் வாழ்க்கையில் வெற்றி காண முடியும்!
கும்ப ராசியினர், தங்கள் முன்னாள் காதல் துணையுடன் மீண்டும் இணைய அவருக்கு போதுமான கால அவகாசம் அளிப்பது அவசியம். அதாவது, 2 - 3 மாதங்களுக்கு அவரை தொந்தரவு செய்யாது, அவரின் கோவம் தணியும் வரை காத்திருப்பது நல்லது. இந்த அவகாசம், உங்கள் தவறுகளை புரிந்துக்கொள்ள உதவியாக இருக்கும், மீண்டும் இணைவதற்கும் உதவி செய்யும். நம்பிக்கையுடன் இருங்கள், மீண்டும் காதலை மலர வையுங்கள்!
மீன ராசியினர், தங்கள் கருணையான குணத்திற்கு பெயர் பெற்றவர்கள். மற்றவர்கள் மீது அளவு கடந்த அன்பு செலுத்தக்கூடியவர்கள். பெரும்பாலும் விட்டுக்கொடுத்துச் செல்லும் குணம் கொண்ட இவர்கள், தங்கள் முன்னாள் காதல் துணையின் விருப்பத்திற்கு விட்டுக்கொடுத்துச் செல்வதன் மூலம், மீண்டும் அவருடன் இணைந்து வாழும் வாய்ப்பு பெறலாம் என நிபுணர்கள் கூறுகின்றனர்.
