டொவினோ தாமஸின் ‘அஜயந்தே ரண்டம் மோஷனம்’ படத்திற்கு யு/ஏ சான்றிதழ்

மலையாள சினிமாவின் முன்னணி நடிகரான டொவினோ தாமஸ், வித்தியாசமான கதாபாத்திரங்களில் நடித்து ரசிகர்களின் மனதில் தனித்துவமான இடத்தைப் பிடித்துள்ளார்.

‘மாரி’, ‘மின்னல் முரளி’ போன்ற படங்களில் அவரது நடிப்பு மாபெரும் வரவேற்பை பெற்றது. மலையாளம் மட்டுமல்லாமல் தமிழ் மற்றும் பிற மொழிகளிலும் அவருக்கு அதிகமான ரசிகர்கள் உள்ளனர்.

ருத்துராஜூக்கு பதிலாக களமிறங்கும் அதிரடி ஆட்டக்காரர்.. யார் தெரியுமா?

தற்போது, டொவினோ தாமஸ் மூன்று விதமான கெட்டப்புகளில் நடித்திருக்கும் ‘அஜயந்தே ரண்டம் மோஷனம்’ (ஏ.ஆர்.எம்) படத்தை இயக்குனர் ஜித்தின் லால் இயக்கி உள்ளார். இந்தப் படம் சுஜீத் நம்பியாரின் எழுத்தில் உருவாகியுள்ளது.

கீர்த்தி ஷெட்டியின் மலையாள திரையுலக அறிமுகம்

இந்தப் படத்தின் மூலம் நடிகை கீர்த்தி ஷெட்டி மலையாள திரையுலகில் தனது அறிமுகத்தை செய்ய உள்ளார். மேலும், பாசில் ஜோசப், ஐஸ்வர்யா ராஜேஷ், சுரபி லட்சுமி, ரோகினி, மற்றும் ஹரிஷ் உத்தமன் உள்ளிட்ட பலரும் முக்கிய கதாபாத்திரங்களில் நடித்துள்ளனர்.

இசை மற்றும் வெளியீட்டு தேதி

இப்படத்திற்கு திபு நினன் தாமஸ் இசையமைத்துள்ளார். படத்தை 3D தொழில்நுட்பத்தில் உருவாக்கியுள்ள இப்படம் வருகிற ஓணம் பண்டிகையை முன்னிட்டு செப்டம்பர் 12 அன்று திரையரங்குகளில் வெளியாக உள்ளது.

இலங்கையிலிருந்து மேலும் ஏழு பேர் தமிழகத்தில் தஞ்சம்

தணிக்கை சான்றிதழ்

சமீபத்தில் இந்தப் படம் தணிக்கை குழுவின் பார்வைக்கு சமர்ப்பிக்கப்பட்டது. தணிக்கை குழுவினர் படத்திற்கு யு/ஏ சான்றிதழ் வழங்கியுள்ளனர். இதனால் இப்படத்தின் மீது ரசிகர்கள் மத்தியில் பெரிய எதிர்பார்ப்பு உருவாகியுள்ளது.