Sat, Oct8, 2022
Homeஅழகு குறிப்புகள்சொரசொரன்னு கருப்பா பாதம் இருக்கா இதை செய்தா அழகாயிடும்! எளிய குறிப்புகள்!

சொரசொரன்னு கருப்பா பாதம் இருக்கா இதை செய்தா அழகாயிடும்! எளிய குறிப்புகள்!

HTML tutorial

பாதங்கள் உடலில் முக்கியமான உறுப்பு. நமது எடையை தாங்க கூடிய உறுப்பும் இதுதான். இதற்கு நாம் பெரும்பாலும் முக்கியத்துவம் கொடுப்பதில்லை.

வெளிநாடுகளில் இருப்பவர்கள் ஆரோக்கியம் குறித்த விஷயங்களில் கவனமாக இருப்பார்கள். அவர்கள் பாதங்களை பராமரிக்க பெடிக்யூர் மற்றும் பாதத்துக்கு மசாஜ் செய்வது உண்டு.

பாதங்களில் சொரசொரப்பு உண்டாக பல காரணங்கள் உண்டு. தரமற்ற காலணிகள் பயன்படுத்தும் போது அழுத்தம் உண்டாகி calluses என்னும் பிரச்சனை உண்டாகலாம்.

இறுக்கமான ஹை ஹீல்ஸ், ஷூக்கள் அணிபவர்களுக்கு அழுத்தம் இருக்கும் இடங்களில் இந்த சொரசொரப்பு இருக்கும். சிலருக்கு மேல் பகுதியிலும் அழுத்தம் இருந்தால் சொரசொரப்பு வரலாம். இவர்கள் இந்த காலணிகளை தவிர்த்து தரமான காலணிகளை பயன்படுத்த வேண்டும்.

ஃபுட் க்ரீம் (emollient cream) கடைகளில் கிடைக்கும். இது பாதங்களை மென்மையாக்கும் க்ரீம் ஆகும். இது மாய்சுரைசர் போன்று இருக்கும். கொழுப்பு கலந்த க்ரீம். இரவு படுக்கும் போது இந்த க்ரீம் தடவி பயன்படுத்தலாம்.

தினமும் இரவு நேரங்களில் கால் பாதங்களை கவனிப்பது நல்லது. காலணி அழுத்தத்தால் சிலருக்கு கால் ஆணி உண்டாகும். இது அரிதானது என்றாலும் இந்த கால் ஆணி மீண்டும் மீண்டும் வந்தால் அவர்கள் தளர்வான காலணிகளை போட வேண்டும். எல்லா நேரங்களிலும் காலணி அணிவது அவசியம்.

பாதங்களுக்கு ரிலாக்ஸ்

வாரம் ஒரு முறை வெதுவெதுப்பான நீரை அகலமான பாத்திரத்தில் விட்டு கல் உப்பு சேர்த்து இரண்டு பாதங்களையும் அதில் வைக்கலாம். கல் உப்பு சேர்ப்பதால் இறந்த செல்களை வெளியேற்றும். விரல் நகங்களில் இருக்கும் அழுக்குகளை வெளியேற்றும். இதில் ஹைட்ரஹன் பெராக்ஸைடு 2 டீஸ்பூன், லிக்விட் சோப்பு சேர்த்தால் நகங்கள் பளபளவென்று இருக்கும். அழுக்குகள் நீங்கும். பாதங்கள் வலியும் குறையும்.

கருப்பு பாதங்கள்

சிலருக்கு வெயிலில் அலைந்து பாதங்கள் மேல் கீழ் இரண்டு இடத்திலும் கருமையாக இருக்கும். இவர்கள் இந்த பாதங்களுக்கு ரிலாக்ஸ் செய்யும் வெதுவெதுப்பான நீர், கல் உப்பு போன்று வெதுவெதுப்பான நீரில் புதினா இலையை ஒரு கைப்பிடி அளவு எடுத்து சாறாக்கி பிழிந்து அதில் கால்களை நனைக்கலாம் இது நல்ல ரிசல்ட் கொடுக்கும். இதனுடன் எலுமிச்சை சாறு பாதி அளவு சேர்க்கலாம்.

பாதங்களுக்கு மசாஜ்

வலது காலை இடது கால் மீது வைத்து கால்களின் அடிப்பகுதியில் இருந்து மேல் நோக்கி வட்ட வடிவில் கடிகார சுழற்சி முறையில் மென்மையாக மசாஜ் செய்யலாம். இதே போல் இரண்டு கால்களிலும் மசாஜ் செய்யலாம். கால்களையும் கடிகார சுழற்சி முறையி ல் சுழற்றும் போது அதன் இறுக்கம் தளர்ந்து ரிலாக்ஸாக இருக்கும். மசாஜ் செய்வதற்கு லிக்விட் பாரபின் மருந்து கடைகளில் கிடைக்கும். இதில் சில துளி எடுத்து பாதங்களில் மசாஜ் செய்யலாம். கால்களில் முட்டிகள் இருந்து இதை செய்யலாம். இது வெரிகோஸ் வெயின் கூட சரி செய்யலாம்.

பாத சொரசொரப்பு நீங்க

பாதங்களில் சொரசொரப்பு இருந்தால் பெட்ரோலியம் ஜெல்லி பாதங்களில் தடவி இரவு முழுவதும் விடலாம். இதை தடவி சாக்ஸ் அணிந்து கொண்டு 2 மணி நேரம் விட்டால் கூட போதுமானது. கால்கள் மென்மையாக அழகாக இருக்கும்.

பாதங்களுக்கு காலணி

காலணி அணியும் போது அழகுக்காக என்பதை விட கால்களின் ஆரோக்கியத்துக்கேற்ப காலணி அணிவது நல்லது. சிலர் வெளி இடங்களில் அதிக ஹை ஹீல்ஸ் அணிந்து பிறகு வலியை எதிர்கொள்வார்கள். அதனால் கால்களுக்கு ஏற்ற ஆரோக்கியமான காலணிகளை அணிவது நல்லது.

பாதங்களுக்கு பெடிக்யூர்

பார்லர்களில் பெடிக்யூர் செய்வது உண்டு. இது பாதங்களுக்கு சிகிச்சையே. இதில் எண்ணெய், யூகலிப்டஸ், கேம்பர் கலந்த க்ரீம்கள் மசாஜ் செய்வதுண்டு. பெட்ரோலியம் ஜெல்லி அல்லது லிக்விட் பாரபின் உடன் கேம்பர் ஆயில் கலந்து மசாஜ் செய்யலாம். ஆயுர்வேதத்தில் கற்பூராதி தைலம் கிடைக்கும். இது கால்வலிகளுக்கும் கால்களில் உண்டாகும் ஃபங்கஸ் கிருமிகளுக்கும் நன்மை கிடைக்கும்.

நகச்சுத்தி

பாதங்களில் உண்டாகும் சொரசொரப்புக்கு சருமமும் காரணமாக இருக்கலாம். சிலருக்கு நகங்களை சுற்றி நகச்சுத்தி வரலாம். இதெல்லாம் பூஞ்சையால் வரக்கூடியது. இதற்கு மருத்துவரை அணுகுவது நல்லது.

தேங்காயெண்ணெய்

பாத சொரசொரப்புக்கு சிறந்த தீர்வு தேங்காயெண்ணெய் தான். இதை இலேசாக சூடேற்றி பாதங்களின் மேல் மற்றும் பாதங்களின் கீழ் மென்மையாக மசாஜ் செய்து அதன் மேல் மெல்லிய துணியை கட்டி விடவும். பிறகு 20 நிமிடங்கள் கழித்து துணியை எடுத்துவிட்டால் போதும். தினமும் செய்து வந்தால் நாளடைவில் இவை அழகான பாதங்களை கொடுக்கும். பார்க்கவும் பளிச் என்று இருக்கும்.

Subscribe to our Youtube Channel News21Tamil for the latest News updates.

அண்மைய செய்திகள்

இதயும் பாருங்க