Fri, May27, 2022
HomeStory Boxஇப்போவே பாத்திரம் பறக்குதே... யார் அந்த மகராசி? பட்டைய கிளப்பும் பிக்பாஸ் ப்ரமோ!

இப்போவே பாத்திரம் பறக்குதே… யார் அந்த மகராசி? பட்டைய கிளப்பும் பிக்பாஸ் ப்ரமோ!

டிஸ்னி ப்ளஸ் ஹாட் ஸ்டாரில் ஒளிபரப்பாக உள்ள பிக்பாஸ் அல்டிமேட் நிகழ்ச்சியின் அடுத்த கன்டெஸ்டென்ட் யார் என்பது குறித்த ப்ரமோ வெளியாகியுள்ளது.

ஸ்டார் விஜய்யின் ஓடிடி தளமான டிஸ்னி ப்ளஸ் ஹாட் ஸ்டாரில் வரும் 30 ஆம் தேதி முதல் பிக்பாஸ் அல்டிமேட் நிகழ்ச்சி ஒளிபரப்பாகவுள்ளது. இதில் முந்தைய சீசன்களில் பங்கேற்ற போட்டியாளர்களில் மக்களின் ஆதரவை பெற்றவர்களும் கன்டென்ட் கொடுத்தவர்களும் பங்கேற்பார்கள் என கூறப்படுகிறது.

இதையடுத்து பங்கேற்க போகும் போட்டியாளர்கள் என முந்தைய சீசன்களில் இடம்பெற்ற சில போட்டியாளர்களின் பெயர்களும் அடிபட்டு வருகிறது. இந்நிலையில் பிக்பாஸ் அல்டிமேட் நிகழ்ச்சியில் பங்கேற்கும் போட்டியாளர்கள் குறித்து ஹாட் ஸ்டாரில் நாள்தோறும் ஒரு ப்ரமோ வெளியிடப்பட்டு வருகிறது.

அதன்படி இதுவரை சினேகன் மற்றும் ஜூலி ஆகியார் பங்கேற்பது ப்ரமோக்களின் மூலம் உறுதி செய்யப்பட்டுள்ளது. இந்நிலையில் இன்று அடுத்த யார் என டிவிஸ்ட் வைக்கும் வகையில் ஒரு ப்ரமோவை வெளியிட்டுள்ளது ஹாட் ஸ்டார். பக்கா கிரியேட்டிவிட்டியுடன் பிக்பாஸ் புரமோக்களை மிஞ்சும் வகையில் உள்ளது இந்த புரமோ.

இதில் தோன்றும் குடுகுடுப்பைக்காரர் அடுத்த போட்டியாளர் யார் என பெரும் பில்டப் கொடுத்துள்ளார். கோபம் இருக்கும் இடத்தில் தான் குணம் இருக்கும், இவர் பெரிய கோபக்காரர், வெட்டு ஒன்னு துண்டு ரெண்டு என்று பேசுவார் என குடுகுடுப்பைக்காரர் கூறும் போதே வீட்டுக்குள் இருந்து பாத்திரங்கள் பறக்கின்றன.

இதனை பார்த்த நெட்டிசன்கள் சந்தேகமே வேண்டாம் வனிதா அக்காதான் அந்த மகராசி என அடித்து சொல்கின்றனர். ஒன் வுமன் ஆர்மி வனிதா என்றும் தலைவி வனிதா அக்கா என்றும், தண்ணி தா தண்ணி தா எங்க அக்கா வனிதா, வத்திக்குச்சி வனிதா அக்கா எந்த பக்கம் உரசினாலும் பத்திக்கும் என இப்போதே கொண்டாட தொடங்கி விட்டனர்.

அதேநேரத்தில் சில ரசிகர்கள் கடந்த சீசனில் கப்பு மிஸ் ஆயிருச்சு இந்த சீசனில் வனிதா அக்காவுக்குதான் டைட்டில் என்றும் கூறி வருகின்றனர். பிக்பாஸ் சீசன் 3 நிகழ்ச்சியில் பங்கேற்ற வனிதா, மற்ற போட்டியாளர்களை வாயே திறக்க விடாமல் வச்சு செய்தார். வனிதாவால் பார்வையாளர்களின் பிபியே எகிறியது.

வனிதாவால் பிக்பாஸ் சீசன் 3 நிகழ்ச்சியின் டிஆர்பியும் எகிறியது. இதனால் எவிக்ட்டான பிறகும் இரண்டாவது வாய்ப்பளித்து மீண்டும் வனிதாவை வீட்டுக்குள் கொண்டு வந்தார் பிக்பாஸ்.

தற்போது பிக்பாஸ் ஓடிடியிலும் வனிதா பங்கேற்பதை அறிந்த ரசிகர்கள், இந்த நிகழ்ச்சியும் நிச்சயம் ஹிட்டாகும் என கேரண்டியாக கூறி வருகின்றனர்.

Subscribe to our Youtube Channel News21Tamil for the latest News updates.

spot_img
spot_img

அண்மைய செய்திகள்

இதயும் பாருங்க