வியர்வை இயல்பானது. உடல் வெப்பநிலையை ஒழுங்குப்படுவதற்கு அது வழியும் கூட. கனமான போர்வையின் அடியில் அல்லது மிகவும் வெப்பநிலையான படுக்கையில் நீங்கள் வியர்வையுடன் எழுந்தால் அதற்கு காரணம் உடல் அதிக வெப்பமடைவதால் ஏற்படுவதாகும்.
வியர்வையை அகற்றும் போது உடல் வெப்பநிலை மற்றும் உங்கள் இரவு நேர விழிப்புணர்வு இயல்பு நிலைக்கு திரும்ப வேண்டும். உங்கள் இரவு வியர்வையை ஏற்படுத்த உடல்நல பிரச்சனைகள் காரணமாக இருக்கலாம். அதிலும் 41 வயது முதல் 55 வயதுடையவர்களில் அவை மிகவும் பொதுவானவை.
இரவு நேரத்தில் வியர்வையை உண்டாக்கும் ஐந்து பொதுவான காரணங்கள் என்னென்ன அதற்கு என்ன செய்யலாம் என்பதை பார்க்கலாம்.
மெனோபாஸ் நெருங்கலாம்
மாதவிடாய் நிறுத்தத்தை எதிர்கொள்வதால் இந்நிலை உண்டாகலாம் இது பெரிமெனோபாஸ் நிலை என்று அறியப்படுகிறது. சூடான இந்த ஹாட்ஃப்ளாஷ் கிட்டத்தட்ட 80% பெண்கள் மாதவிடாய் நிறுத்தத்தில் சந்திப்பதாக கூறுகிறார்கள்.
உடலில் பாலியல் ஹார்மோன்களான ஈஸ்ட்ரோஜன் மற்றும் புரோஜெஸ்ட்ரோன் உற்பத்தியில் குறிப்பிட்டத்தக்க ஏற்ற இறக்கங்களால் உண்டாகிறது. இந்த ஏற்ற இறக்கங்கள் நாளைக்கு பல முறை நிகழ்கின்றன. அவை இரவில் வியர்வை ஏற்படுத்தும் போது மட்டுமல்ல நாள் ஒன்றுக்கு பல முறை நிகழ்கின்றன.
அறிகுறியை கட்டுப்படுத்துவது எப்படி?
உங்களின் சூடான ஃப்ளாஷ்கள் இலேசாக இருந்தால் உங்கள் தெர்மோஸ்டாட் குறைந்த வெப்பநிலையில் வைத்திருப்பது, இலகுவான படுக்கைகளை பயன்படுத்துவது நல்லது. தளர்வான ஆடைகளில் உறங்குவதை வழக்கப்படுத்தி கொள்ளவும். இந்த வாழ்க்கை முறை மாற்றங்கள் இந்த அறிகுறிகளை குறைக்க முயற்சிக்கலாம்.
உங்களுக்கு காஃபின் மற்றும் ஆல்கஹால் பழக்கம் இருந்தால் அதை தவிர்க்க வேண்டும். மாலையில் உடல் வெப்பநிலையில் கூர்முனை மற்றும் வியர்வையை தூண்டும்.
வழக்கமான உடற்பயிற்சி உதவக்கூடும்
மாதவிடாய் நிறுத்தத்தின் போது பிப்ரவரி 2017 ல் நடத்தப்பட்ட ஆய்வில் 20 வார உடற்பயிற்சித் திட்டத்தை முடித்த பெண்கள் இரவு வியர்வை உட்பட சூடான ஃப்ளாஷ்களில் குறைப்புகளை கண்டறிந்தாக கூறினார்கள்.
இந்த மாற்றங்கள் உங்கள் அறிகுறிகளை குறைக்காத நிலையில் இது குறித்து மருத்துவரிடம் பேசுவது நல்லது.
மாதவிடாய் நின்ற முதல் 10 ஆண்டுகளுக்குள் இருந்தால் இதய நோய், நீரிழிவு, அதிக கொழுப்பு, உயர் இரத்த அழுத்தம் அல்லது மார்பக புற்றுநோயின் வரலாறு போன்ற ஆபத்து காரணிகள் இல்லை என்றால் நீங்கள் ஹார்மோன் சிகிச்சையை முயற்சிக்கலாம்.
மருந்துகளின் பக்க விளைவு
சில மருந்துகள் இரவு வியர்வையுடன் தொடர்புடையதாக அறியப்படுகிறது. இது உங்கள் மூளையில் உள்ள நரம்பியல் கடத்திகளை மாற்றுகின்றன. இதனால் செரடோனின் ஹார்மோனை அதிகமாக உற்பத்தி செய்கிறது. இது உடல் வெப்பநிலையை வெளியேற்றுகிறது.
இரத்த அழுத்தம் மற்றும் நீரிழிவு மருந்துகள் மற்றும் நெஞ்செரிச்சல் மருந்து அல்லது வலி நிவாரணி மருந்துகள் போன்ற எதிர் மருந்துகளான செலக்டிவ் செரோடோனின் மன அழுத்த எதிர்ப்பு மருந்துகளினால் உண்டாகலாம்.
எப்படி சரி செய்வது
உங்கள் மருத்துவரிடம் இது குறித்து பேசுங்கள். மருந்துகளை தவிர்க்க வேண்டாம். எதிர்வினையை உண்டாக்காத மருந்துக்கு நீங்கள் மாறலாம். அதோடு காஃபின் மற்றும் ஆல்கஹால் தவிர்க்க வேண்டும். ஏனெனில் இது பிரச்சனையை அதிகரிக்கலாம்.
ஹார்மோன் பிரச்சனை
ஹைப்பர் தைராய்டிசம் உடல் அதிக தைராய்டு ஹார்மொனை உற்பத்தி செய்யலாம். இது நரம்பு மண்டலத்தை மிகைப்படுத்தலாம். நீங்கள் தூங்குவது மற்றும் தூங்குவதில் சிக்கல் சந்திப்பது மட்டும் இல்லாமல் நள்ளிரவில் அதிகமாக வியர்த்து எழலாம்.
உங்களுக்கு நீரிழிவு இருந்து அது கண்டறியப்படாமல் இருந்தால் அது இரத்தத்தில் உள்ள சர்க்கரையின் அளவை அழித்து இரவில் உங்களுக்கு எளிதாக வியர்வையை உண்டாக்கும்.
அட்ரீனலில் கட்டிகளால் ஏற்படும் பிற நிலைமைகள் இரவில் வியர்வையை ஏற்படுத்தும் என்றாலும் இந்த நோய்கள் அரிதானவையே
எப்படி சரி செய்வது
குறிப்பாக இதயத்துடிப்பு, மனநிலை மாற்றங்கள், அதிவேகத்தன்மை மற்றும் எடை இழப்பு போன்ற ஹைபர் தைராய்டிசத்தின் மற்ற அறிகுறிகள் அல்லது தாகம், பசி மற்றும் சிறுநீர் கழித்தல் போன்ற வகை 2 நீரிழிவு நோயின் பிற அறிகுறிகள் இருந்தால் உங்கள் மருத்துவரை பார்க்கவும். மருத்துவர் இரத்தப்பரிசோதனை செய்து சிகிச்சை அளிப்பதன் மூலம் இந்த அறிகுறியை கட்டுப்படுத்த முடியும்.
தூக்கத்தில் மூச்சுத்திணறல்
சிகிச்சை அளிக்கப்படாத தூக்கத்தில் முச்சுத்திணறல் உள்ளவர்களுக்கு இரவு நேர வியர்வை மூன்று மடங்கு அதிகமாக உண்டாகும். தொண்டை, திசு உங்கள் சுவாசப்பாதையை தடுக்கிறது. இதனால் இரவு முழுவதும் பல முறை சுவாசிப்பதை நிறுத்துகிறது.
மூச்சுத்திணறலின் ஒவ்வொரு அத்தியாயமும் உங்கள் நரம்பு மண்டலத்தை சேதப்படுத்தும் கார்டிசோல் என்னும் மான் அழுத்த ஹார்மோனை வெளியிடுகிறது.
எப்படி சரி செய்வது
குறட்டை, காலை தலைவலி மற்றும் பகலில் சோர்வாக உணர்ந்தால் தூக்கத்தில் மூச்சுத்திணறலின் மற்ற அறிகுறிகளை கவனியுங்கள். உங்களுக்கு இந்த அறிகுறி இருந்தால் மருத்துவரை கவனிக்கவும்.
மூச்சுத்திணறல் இரவு தூக்க ஆய்வின்படி கண்டறியப்பட்டுள்ளது. தூங்கும்போது சுவாச முறைகள் மற்றும் இரத்த ஆக்சிஜன் அளவை கண்காணிக்கும் கருவிகளுடன் நீங்கள் இணைக்கப்பட்டிருக்கலாம்.
மூச்சுத்திணறல் இருந்தால் உங்களுக்கு CPAP தேவைப்படும். இது தூங்கும் போது காற்றழுத்ததை வழங்கி தூக்கத்தில் மூச்சுத்திணறல் நிலை அறிகுறியை குறைக்கலாம்.
தொற்று இருக்கலாம்
காசநோய், நோயெதிர்ப்பு குறைபாடு, ஹெச்ஐவி வைரஸ், இதய வால்வு தொற்று மற்றும் ஆஸ்டியோமைலிடிஸ் என்னும் எலும்புதொற்று போன்ற உயிருக்கு ஆபத்தான நோய்த்தொற்றுகள் இரவில் வியர்வையுடன் தொடர்புடையவை. பெரும்பாலும் அவை காய்ச்சலை தூண்டும்.
எப்படி சரி செய்வது
இந்த நோய்கள் பொதுவாக குளிர், காய்ச்சல், உடல்வலி, சோர்வு மற்றும் பசியின்மை போன்ற பிற அறிகுறிகளுடன் இருக்கும். இதை கவனித்தால் நீங்கள் தாமதிக்காமல் மருத்துவரை அணுகலாம்.
ஆஸ்துமா நோயாளிகளுக்கு ஆயுர்வேதம் சொல்லும் வைத்தியம்! பலன் கிடைக்க எதை எப்படி எடுக்கணும்?
இரவு நேரத்தில் அதிகமான வியர்வை வரும் போது நீங்கள் கவனிக்க வேண்டிய அறிகுறிகள் இதுதான். உங்களுக்கு ஒன்று அல்லது இரண்டு முறை இரவில் வியர்த்தால் கவலைப்பட வேண்டியதில்லை. அதிலும் வியர்வையை குறைக்க ஜன்னலை திறந்த பிறகு உடலில் குளிர்ந்த நீரை பயன்படுத்தும் போது வியர்வை கட்டுப்பட்டால் கவலை வேண்டியதில்லை.
வியர்வை அதிகமாக அடிக்கடி ஏற்பட்டால் சோர்வு, காய்ச்சல், எடை இழப்பு அல்லது உடல் வலி போன்ற பிற அறிகுறிகள் இருந்தால் மருத்துவரை அணுகுவது நல்லது. ஹார்மோன் நிலை அல்லது மிகவும் அரிதாக லுகேமியா அல்லது லிம்போமா போன்ற இரத்த புற்றுநோய் போன்ற அடிப்படை மருத்துவ நிலைமைகள் முன்கூட்டியே அறிய முடியும்.
Subscribe to our Youtube Channel News21Tamil for the latest News updates.
