பிப்ரவரி 27ம் தேதி சனி பகவான் ஆட்சி, அதிகாரத்துடன் அமர்ந்திருக்கும் மகரத்தில், அவர் நண்பர் சுக்கிர பகவான் பெயர்ச்சி ஆக உள்ளார்.
ஜோதிட பலன் ஒருவரின் ஜனன கால ஜாதகத்தை அடிப்படையாகவும், அவ்வப்போது நிகழக்கூடிய கிரக பெயர்ச்சியை அடிப்படையாகக் கொண்டும் தான் கூறப்படுகிறது.
சனி நீதி தேவனாக ஒருவரின் பாவம், புண்ணியத்தைக் கணக்கிட்டு அதற்கேற்ற பலன்களைத் தரக்கூடியவராகவும், சுக்கிர பகவானோ ஒருவருக்கு அன்பையும், அழகையும், செல்வம், சுகத்தைத் தரக்கூடியவர். இரண்டு கிரகங்களும் நண்பர்கள். இருப்பினும் இவர்கள் அமைந்து இடத்தைப் பொருத்து தான் நற்பலனோ அல்லது கெடுபலன்களோ தரவல்லவர்கள்.
அதோடு, பிப்ரவரி 27ம் தேதி நடக்கும் சுக்கிர பெயர்ச்சியால் நற்பலன் பெறப்போகும் 4 ராசிகள் குறித்து இங்கு பார்ப்போம்.
பொதுவாக ஜோதிடத்தில் சனி மற்றும் சுக்கிரனின் சேர்க்கை நற்பலனைத் தராது. குறிப்பாக இரண்டு கிரகங்களின் சேர்க்கை சுபத்துவமில்லாத வீட்டில் இருக்கும் பட்சத்தில் அப்படிப்பட்ட அமைப்பை திருமணமான தம்பதிகளில் ஒருவர் பெற்றிருந்தால் கூட அவர்களின் திருமண வாழ்க்கை மிகவும் சிக்கலானதாகவும், எப்போதும் சண்டை, சச்சரவுடன் இருப்பார்கள்.
அதே சமயம் சுபத்துவம் மிக்க வீட்டில் அமைந்திருந்தால் ஓரளவு நற்பலனை எதிர்பார்க்கலாம். சனி – சுக்கிரன் அமைப்பு இருந்தும் சிறப்பாக புரிந்து கொண்டு சேர்ந்து வாழ்வார்கள்.
அப்படிப்பட்ட அமைப்பான சனி மற்றும் சுக்கிரனின் சேர்க்கை அதுவும், சனி ஆட்சி செய்து கொண்டிருக்கின்ற மகர ராசியில் நிகழ்வது பல ராசியினருக்கு அசுப பலன்களையே தரும்.
இருப்பினும். கீழே குறிப்பிட்டுள்ள 4 ராசியினருக்கு ஓரளவு குறிப்பட்ட முன்னேற்றம் மற்றும் நற்பலன்களை எதிர்பார்க்கலாம்.
மேஷம் :
மேஷ ராசிக்கு இரண்டு மற்றும் ஏழாம் வீட்டு அதிபதியான சுக்கிரன், உங்கள் ராசிக்கு 10ம் வீடான கர்ம, தொழில், புகழ் ஸ்தானத்தில் சஞ்சரிக்க உள்ளார்.
சனி – சுக்கிர சேர்க்கையால் மேஷ ராசியினரின் வாழ்க்கையில் நல்ல வெற்றிகளைப் பெறக்கூடிய அமைப்பு ஏற்படும். உங்களுக்கு புதிய வேலை வாய்ப்பு கிடைக்கவும், அதன் மூலம் சம்பள உயர்வு கிடைத்தல் போன்ற விஷயங்கள் நடக்க வாய்ப்புள்ளது. உங்கள் தொழில், வியாபாரத்தில் நீங்கள் குறிப்பிட்ட வெற்றியையும், ஆதாயத்தையும் பெற்றிட முடியும். அரசு வேலைக்காக காத்திருப்பவர்களுக்கு நல்ல செய்தி கிடைக்க வாய்ப்புள்ளது.
ரிஷபம்
ரிஷப ராசி அதிபதியான சுக்கிரன், ஆறாம் வீட்டு அதிபதியும் ஆவார். இவர் ராசிக்கு ஒன்பதாம் வீடான பாக்கிய ஸ்தானம், தந்தை ஸ்தானம் எனப்படும் மகரத்தில் பெயர்ச்சி ஆவதால் உங்கள் ராசிக்கு ஆன்மிகம், வெளிநாட்டுப் பயணம் உள்ளிட்ட அதிர்ஷ்ட பலனைத் தரக்கூடியதாக இருக்கும்.
அதோடு உங்களின் தொழிலில் நல்ல சிறப்பான வெற்றியை உங்களின் கடின உழைப்பின் மூலம் அடைந்திட முடியும். எந்த ஒரு வெளியூர், வெளிநாடு தொடர்பான விவகாரங்களில் ஈடுபட்டாலும் அதில் நல்ல வெற்றியை அடைய முடியும். சிலருக்கு வெளியூர், வெளிநாடு பயணம் மேற்கொள்ள வாய்ப்புகள் அமையும்.
தனுசு ராசி
தனுசு ராசிக்கு 6 மற்றும் 11ம் வீட்டு அதிபதியான சுக்கிரன் உங்கள் ராசிக்கு 2ம் வீடான தன ஸ்தானத்தில் சஞ்சாரம் செய்ய உள்ளது அற்புத பலன்களைத் தருவதாக இருக்கும்.
உங்களின் நிதி நிலை மேம்படுவதோடு பணத்தை சேமிப்பதற்கான விஷயங்களில் ஆர்வம் காட்டுவீர்கள். இந்த சுக்கிர பெயர்ச்சியின் காரணமாக உங்கள் வாழ்க்கையில் ஸ்திரத்தன்மையையும் அமைதியையும் பெற்றிடுவீர்கள்.
உங்கள் குடும்பத்தில் சில ஆன்மிக விஷயங்கள் அல்லது சுப காரியங்கள் நடக்க வாய்ப்புள்ளது. உங்கள் பேச்சு, செயல்களை மிகவும் இனிமையாக இருக்குமாறு பார்த்துக் கொள்ளவும். தொழிலை முன்னோக்கி கொண்டு செல்ல ஏதாவது முதலீடு செய்ய நினைத்தாலும் வெற்றி கிடைக்கும்.
மீன ராசி
மீன ராசிக்கு 3 மற்றும் 8ம் வீட்டு அதிபதியான சுக்கிரன் உங்கள் ராசிக்கு 11ம் வீடான லாப ஸ்தானத்தில் சஞ்சாரம் செய்ய உள்ளார். இதனால் உங்களுக்கு நிதி ரீதியான சுப பலன்களை நீங்கள் அடைந்திடுவீர்கள்.
நீங்கள் எதிர்பார்த்தபடி உங்களின் தொழில் வாழ்க்கையில் நல்ல வெற்றி கிடைக்கும். புதிய வருமான வாய்ப்புகளை உருவாக்குவீர்கள். இருப்பினும்., உங்களின் தேவையற்ற செலவுகளைக் கட்டுப்படுத்திக் கொள்வது மிகவும் அவசியம். உங்களின் திறமைக்கேற்ற புதிய பொறுப்புகள் கிடைக்கும். நீங்கள் போட்டித் தேர்வில் கலந்து கொண்டால் நல்ல மதிப்பெண் பெற வாய்ப்புள்ளது.
Subscribe to our Youtube Channel News21Tamil for the latest News updates.
