இந்த உலகம் தோன்றியது முதலே நம்பிக்கைகளும், மூட நம்பிக்கைகளும் மக்களிடம் மாறி மாறி வந்து கொண்டே இருந்தன. பல மனிதர்களை வளர்ச்சி பாதைக்கு கொண்டு சென்றது.
பல ஒரு மனிதனை மற்றவன் அடிமைப்படுத்த பயன்படுத்தப்பட்டது. நம்பிக்கைக்கும் மூட நம்பிக்கைக்கு நூலளவு தான் வித்தியாசம். சக மனிதர்களுக்கும், விலங்களுக்கும், சுற்றுசூழலுக்கும் பாதகம் ஏற்பாடுத்தது எல்லாம் நம்பிக்கை, பாதகம் ஏற்படுத்துவது மூடநம்பிக்கை என கொள்ளலாம்.
ஒரு காலத்தில் உலகமே அழிந்துவிடும் என்ற யாரோ கிளப்பி விட்ட புரளியை இந்த உலகில் பலர் நம்பிக்கொண்டிருந்தனர். 2000வது ஆண்டிற்கு பின்பு உலகம் அழிந்துவிடும் என எண்ணினார்கள். ஆனால் புதிதாக ஒருயுகம் பிறந்தது போல சாதாரணமாக பிறந்து 22 ஆண்டுகளை கடந்தும் பயணித்துக்கொண்டிருக்கிறது.
அதே போல 2012 டிசம்பர் 21ம் தேதிவரை தான் மயன் காலண்டர் இருக்கிறது என்பதால் அதற்கு பிறகு உலகம் அழிந்துவிடும் என சொன்னார்கள். அது குறித்து ஹாலிவுட்டில் திரைப்படங்கள் எல்லாம் வெளியானது. ஆனால் அப்படியாக எதுவும் நடக்கவில்லை.
ஆனால் அதற்கு முன்னர் பலர் தங்கள் கடைசி ஆசைகளை நிறைவேற்றுவது, தான் செய்த பாவங்களுக்கு பாவ மன்னிப்பு கேட்பது என பல அக்கப்போர்களை நடத்தினர். குறிப்பாக அன்றைய நாள் உலகம் இப்பொழுது அழியும், அப்பொழுது அழியும் என காத்துக்கொண்டிருந்தவர்களுக்கு வெறும் ஏமாற்றம் மட்டுமே மிஞ்சி அந்த நாளும் சாதாரண ஒரு நாளாக கடந்து போனது.
இந்த வரிசையில் தற்போது பாலின்ட்ரோம் சீரிஸில் வரும் நாள் குறித்த நம்பிக்கைகள் அதிகம் வலம் வருகின்றன. உதாரணமாக 2012 டிசம்பர் 12ம் தேதி 12-12-12 என தேதி வந்தது. இவ்வறான தேதி இனி 1000 ஆண்டுகளுக்கு பின்பு 100 ஆண்டுகளுக்கு பின்புதான் வரும் என சமூகவலைத்தளங்களில் பல பதிவுகள் வெளியாகியது.
அதன் பின் தற்போது 2022ம் ஆண்டு இது போன்ற வித்தியாசமான தேதிகள் பல உலா வருகின்றன. அதை 12.02.2022, 20.02.2022, 12.12.2022, 02.02.2022, 22.02.2022 ஆகிய தேதிகள் சொல்லப்படுகின்றன.
அதில் இன்றைய தேதியான 22.02.2022 என்ற தேதி முக்கிய தேதியாக சொல்லப்படுகிறது. இந்த நாளை திரும்ப சொன்னாலும் அதே நம்பர் தான் வரும் இதை கணிதத்தில் பாலின்ட்ரோம் என அழைக்கிறார்கள்.
இப்படியாக தேதி இனி 1000 ஆண்டுகளுக்கு பிறகு 2000 ஆண்டுகளுக்கு பிறகு தான் வரும் என்ற கதைகளை எல்லாம் நம்பாதீர்கள். 200 ஆண்டுகளுக்கு பின்பு 22.02.2222 என்ற தேதி வரும் ஏன் 10 ஆண்டுகளுக்கு பின் 23.02.2032 என்ற தேதியும் வரும் .
இப்படியான பாலின்ட்ரோம் தேதிகள் அவ்வப்போதுவந்து கொண்டே தான் இருக்கும். ஆனால் ஒன்று இதே தேதி கண்டிப்பாக வராது. ஆனால் இது ஒன்றும் புதிதல்ல ஒவ்வொரு நாளும் நாம் கடந்து வரும் தேதி இனி வரப்போவதில்லை என்பதே உண்மை.
Subscribe to our Youtube Channel News21Tamil for the latest News updates.
