விஜய் தேவரகொண்டாவின் 36வது பிறந்தநாளை முன்னிட்டு, அவரது காதலி என்று கூறப்படும் நடிகை ராஷ்மிகா மந்தனா அவருக்கு பிறந்தநாள் வாழ்த்து தெரிவித்தார்.
விஜய் தேவரகொண்டா கேமராவைப் பார்த்து சிரித்துக் கொண்டிருக்கும் புகைப்படத்தை பகிர்ந்த தன்னுடைய இன்ஸ்டாகிராம் ஸ்டோரி பக்கத்தில் பகிர்ந்த ராஷ்மிகா ‘நான் மீண்டும் தாமதப்படுத்தி விட்டேன். பிறந்தநாள் வாழ்த்துகள் விஜு
உங்கள் நாட்கள் அனைத்தும் ஆசீர்வாதங்கள் மற்றும் அன்பு, மகிழ்ச்சி, ஆரோக்கியம், செல்வம், அமைதி மற்றும் பிற அனைத்தும் நிறைந்ததாக இருக்கட்டும்’ என்று பதிவிட்டு இருந்தார்.
அதை தனது இன்ஸ்டாகிராம் ஸ்டோரியில் பக்கத்தில் பகிர்ந்த விஜய், ‘அழகானது; உங்கள் அனைத்து விருப்பங்களும், ஆசீர்வாதங்களும் நிறைவேறட்டும்!” என்று குறிப்பிட்டு இருக்கிறார்.
ராஷ்மிகாவும் விஜயும் நீண்ட காலமாக காதலிப்பதாக வதந்திகள் பரவி வருகின்றன. இருவரும் உறவில் இருப்பதை கிட்டத்தட்ட உறுதிப்படுத்தி இருக்கின்றனர்.
ஆனால், முழுவதுமாக ஒருவரையொருவர் காதலிப்பதாக வெளிப்படையாக ஒப்புக்கொள்ளவில்லை. இருப்பினும், அவர்கள் அடிக்கடி ஒன்றாக நேரத்தை செலவிடுவதைப் சோசியல் மீடியா வழியாக பார்க்க முடிகிறது.
கடந்த மாதம், ராஷ்மிகாவின் 29வது பிறந்தநாளில், ஓமன் கடற்கரையில் அந்த நாளை கொண்டாடிய படங்களை பகிர்ந்து இருந்தார். அந்தப்புகைப்படங்கள் விஜய் கடற்கரையில் மகிழ்ந்த புகைப்படங்களுடன் ஒத்திருப்பதை ரசிகர்கள் கவனித்தனர்.
