தமிழ் சினிமாவில் உச்ச நடிகராக வலம் வருபவர் நடிகர் அஜித். கோடிக்கணக்கான ரசிகர்களை கொண்டுள்ள அஜித் தற்போது வலிமை படத்தின் ரிலீஸுக்காக காத்திருக்கிறார்.
தற்போது கொரோனா பரவல் கட்டுக்குள் வருவதால் பிப்ரவரி அல்லது மார்ச் மாதங்களில் வலிமை படம் ரிலீஸ் செய்யப்படலாம் என கூறப்படுகிறது.
இதனிடையேக நடிகர் அஜித் தனது அடுத்த படமான ஏகே 61 படத்தின் வேலைகளில் ஈடுபட்டுள்ளார். இந்த படத்தையும் நேர்கொண்ட பார்வை மற்றும் வலிமை படங்களை இயக்கும் ஹெச் வினோத்தான் இயக்குகிறார்.
அந்த படங்களை தயாரித்த போனி கபூர்தான் தயாரிக்கிறார். இந்நிலையில் இந்தப் படம் குறித்த அப்டேட் ஒன்று வெளியாகியுள்ளது. அதாவது அஜித்தின் 61 படத்தில் பிரபல பாலிவுட் நடிகையான தபு நடிக்கவுள்ளதாக கூறப்படுகிறது.
இதன்மூலம் 22 ஆண்டுகளுக்கு பிறகு அஜித்துடன் மீண்டும் இணைந்து நடிக்கவுள்ளார் நடிகை தபு. ஏகே 61 படத்தில் தபு முக்கிய கதாப்பாத்திரத்தில் நடிக்கவுள்ளதாக கூறப்படுகிறது.
தபுவின் கதாப்பாத்திரம் குறித்து படக்குழு அவரிடம் பேச்சுவார்த்தை நடத்தியதாகவும் அதனைக் கேட்ட தபு, ஏகே 61 படத்தில் நடிக்க ஒப்புக்கொண்டதாகவும் தகவல் வெளியாகியுள்ளது.
இந்தப் படத்தின் மூலம் 9 ஆண்டுகளுக்கு பிறகு நடிகை தபு மீண்டும் தமிழ் சினமாவில் நடிக்கிறார். தபுவும் நடிகர் அஜித்தும் கண்டுகொண்டேன் கண்டுகொண்டேன் படத்தில் கடைசியாக இணைந்து நடித்தனர்.
இந்தப் படத்தை ராஜிவ் மேனன் இயக்கியிருந்தார். கண்டுகொண்டேன் கண்டுகொண்டேன் படத்தில் இருவரும் ஜோடியாக நடித்திருந்தனர், இந்நிலையில் ஏகே 61 படத்தில் இருவரும் நடிப்பது குறித்த அதிகாரப்பூர்வ அறிவிப்பு விரைவில் வெளியாகும் என தெரிகிறது.
Subscribe to our Youtube Channel News21Tamil for the latest News updates.
