தமிழ், தெலுங்கு, இந்தி படங்களில் நடித்து வருகிறார் ஸ்ருதி ஹாசன். தமிழ் பெண்ணாக இருந்தாலும் சூப்பராக இந்தி பேசுவார். பல மொழிகள் பேசும் உலக நாயகன் கமல் ஹாசனின் மகளாச்சே.
இந்நிலையில் இன்ஸ்டாகிராமில் ரசிகர்கள் கேட்ட கேள்விகளுக்கு பதில் அளித்தார் ஸ்ருதி. அப்பொழுது ஒருவரோ, தென்னிந்தியாவில் இருந்து வந்திருக்கிறீர்களே, உங்களுக்கு இந்தி பேச வருமா என்று கேட்டார்.
என் விஷயத்தில் நீங்கள் செய்யக் கூடாத விஷயங்கள் இருக்கிறது. ஒன்று, ஏதோ தென்னிந்தியா வேறு கிரகத்தில் இருப்பது போன்று தென்னிந்தியாவில் இருந்து வந்ததால் இந்தி பேச தெரியுமா என்று கேட்பது என்றார்.
லக் படம் மூலம் பாலிவுட்டில் அறிமுகமானார் ஸ்ருதி. தேவர், தில் தோ பச்சா ஹை ஜி, டி டே, வெல்கம் பேக், ராக்கி ஹேன்ட்சம், பெஹன் ஹோகி தேரி உள்ளிட்ட படங்களில் நடித்துள்ளார்.
அவர் தற்போது கே.ஜி.எஃப். படம் புகழ் பிரசாந்த் நீல் இயக்கத்தில் பிரபாஸ் ஜோடியாக சலார் படத்தில் நடித்திருக்கிறார். பான் இந்திய படமாக உருவாகியிருக்கும் சலார் வரும் ஏப்ரல் மாதம் 1ம் தேதி தியேட்டர்களில் ரிலீஸாகவிருக்கிறது. மேலும் பெஸ்ட்செல்லர் என்கிற வெப்தொடரில் நடிக்க உள்ளார்.
அதில் மிதுன் சக்ரபர்த்தி, அர்ஜன் பஜ்வா, கவுஹர் கான், சத்யஜித் துபே, சோனாலி குல்கர்னி உள்ளிட்டோர் நடிக்கிறார்கள்.
Subscribe to our Youtube Channel News21Tamil for the latest News updates.
