பிரபல தொலைக்காட்சியான சன் டிவியில் திங்கள் கிழமை முதல் சனிக்கிழமை வரை ஒளிபரப்பாகி வரும் சீரியல் பூவே உனக்காக. இந்த சீரியலில் பூவரசி கேரக்டரில் ஹீரோயினாக நடிகை ராதிகா ப்ரீத்தி நடித்து வருகிறார்.
இவருக்கு ஜோடியாக முன்னதாக கதிரவன் கதாபாத்திரத்தில் அருண் நடித்து வந்தார். பின்னர் அவர் சீரியலில் இருந்து விலகவே தற்போது கதிரவன் கேரக்டரில் பிரபல சின்னத்திரை நடிகரான அசீம் நடித்து வருகிறார்.
ரசிகர்கள் மத்தியில் நல்ல வரவேற்பை பெற்ற இந்த சீரியலில் இருந்து விலகுவதாக அந்த சீரியலின் நாயகியான ராதிகா ப்ரீத்தி அறிவித்துள்ளார்.
இதுதொடர்பாக இன்ஸ்டாகிராமில் உருக்கமான பதிவு ஒன்றையும் ஷேர் செய்துள்ளார் ராதிகா ப்ரீத்தி. அதில் அவர் தெரிவித்திருப்பதாவது, பூவே உனக்காக சீரியலில் இருந்து விலகுகிறேன் என்பதை கனத்த இதயத்துடன் உங்களுக்கு தெரிவித்து கொள்கிறேன்.
இந்த அற்புதமான வாய்ப்பை அளித்த சன் டிவிக்கு எப்போதும் நன்றியுடன் இருப்பேன். எனக்கு வாய்ப்பு கொடுத்த தயாரிப்பு நிறுவனத்துக்கும் நன்றி.
எனக்கு நிலையான அன்பும் ஆதரவும் கொடுத்த எனது ரசிகர்களுக்கும் நன்றி… நீங்கள் இல்லாமல் நான் எதையும் செய்திருக்க மாட்டேன்.
என்னுடைய வாழ்க்கையின் ஒவ்வொரு படியிலும் நீங்கள் எனக்காக இருப்பீர்கள் என்று எனக்கு தெரியும். லவ் யூ ஆல்… மீண்டும் ஒரு முறை நன்றி… என்றும் அன்புடன் உங்கள் பூவரசி… என குறிப்பிட்டுள்ளார்.
Subscribe to our Youtube Channel News21Tamil for the latest News updates.
