நடிகர் மாதவனுடன் படப்பிடிப்பில் இருந்ததாக தனது ட்விட்டர் பக்கத்தில் பதிவிட்டிருந்த நடிகையும், பிரபல மாடலும், கேஸ்டிங் இயக்குநருமான ஆர்த்தி மிட்டல், விபச்சார வழக்கில் கைது செய்யப்பட்டுள்ளார்.
மும்பையில் பிரபல நடிகையும் காஸ்டிங் டைரக்டருமாக இருந்து வருபவர் ஆர்த்தி மிட்டல் . இவர் மாடல் அழகிகளை வைத்து விபசாரம் நடத்துவதாக மும்பை காவல்துறைக்கு ரகசிய தகவல் கிடைத்தது.
இதன் அடிப்படையில் சிறப்பு தனிப்படை அமைக்கப்பட்டு போலீசார் மாறுவேடத்தில் ஆர்த்தியை அணுகி 2 நண்பர்களுக்கு 2 மாடல் அழகிகள் தேவை எனக் கூறினர். இதனை உண்மை என நம்பிய 2 மாடல் அழகிகளை சப்ளை செய்தார்.
அவர்கள் மீட்கப்பட்டு மறுவாழ்வு மையத்திற்கு அனுப்பி வைக்கப்பட்டுள்ளனர். இந்த பணிகளுக்காக நடிகை ஆர்த்தி அழகிகளுக்கு தலா ரூ.15,000 தருவதாக உறுதியளித்ததாக மாடல் அழகிகள் போலீசாரிடம் தெரிவித்தனர்.
அதுமட்டுமின்றி வளர்ந்து வரும் இளம் மாடல்களை ஆர்த்தி மிட்டல் விபசாரத்தில் ஈடுபடுத்தி அதன் மூலம் பணம் சம்பாதித்து வந்துள்ளார். இந்த மோசடியை முறியடித்து மிட்டலை கைது செய்தனர். அதிகாரிகளின் கூற்றுப்படி, இந்த அழகிகளை ஏற்பாடு செய்ய ரூ60,000 பணம் கேட்டிருந்தார் என்பது குறிப்பிடத்தக்கது.
ஆர்த்தி மிட்டல், இந்தித் திரைத்துறையினருக்கு நன்கு பரிச்சயமானவர். கேஸ்டிங் இயக்குநராகவும் இருப்பதால், பல இயக்குநர்கள், நடிகர்களுடன் தொடர்ப்பில் இருந்தவர் என்பதால், அவர் கைது செய்யப்பட்டிருப்பது மும்பையில் பெரும் பரபரப்பை ஏற்படுத்தியுள்ளது.
