நடிகர் தனுஷ் இந்திய சினிமாவே வியந்து பார்க்கும் ஒரு நடிகர். படிப்படியாக முன்னேறி இன்று இந்த உயரத்தை அடைந்துள்ளார். தன்னை பற்றி எந்த விமர்சனம் வந்தாலும் அதற்கெல்லாம் செவிசாய்க்காது தான் உண்டு தன் வேலை உண்டு என்று இருப்பவர் தான் தனுஷ்.
அவர் நடிக்க வந்த ஆரம்பகாலத்தில் அவர் சந்திக்காத விமர்சனங்களே கிடையாது. அதையும் தாண்டி அவர் தன் வேலைகளில் மட்டுமே கவனம் செலுத்தியதால் இந்த உயரத்தை அடைந்துள்ளார். இதுபோக தனுஷ் அனைவரிடமும் மிகவும் பண்பாக பழகக்கூடியவர். எப்போதும் பொறுமையை கடைபிடிக்கும் தனுஷ் கோவப்பட்ட வீடியோ ஒன்று தற்போது சமூகத்தளங்களில் வைரலாகி வருகிறது.
கடந்த 2017 ஆம் ஆண்டு பல நடிகர் மற்றும் நடிகைகளின் நெருக்கமான புகைப்படங்கள் வெளியாகி பெரும் பரபரப்பை ஏற்படுத்தியது. அந்த நேரத்தில் இவ்விஷயம் பலராலும் பரபரப்பாக பேசப்படும் ஒன்றாக இருந்தது. இந்நிலையில் தனுஷ் தன் பட ப்ரோமோஷனுக்காக தெலுங்கு தொலைக்காட்சி ஒன்றிற்கு பேட்டி கொடுத்தார்.
அந்த பேட்டியின் பொது தனுஷிடம் இந்த புகைப்படம் சம்மந்தமாக கேள்வி எழுப்பப்பட்டது. இருப்பினும் தனுஷ் இந்த கேள்வியை தவிர்த்து வந்தார். அவர் இந்த கேள்வியை தவிர்த்த பின்பும் தொடர்ந்து அந்த கேள்வியையே விடாமல் கேட்டுவந்தனர்.
ஒரு கட்டத்தில் பொறுமையை இழந்த தனுஷ் கோவமாக அந்த பேட்டியை விட்டு பாதியிலேயே கிளம்பிவிட்டார். இந்த பேட்டி அப்போது பெரும் பரபரப்பை ஏற்படுத்திய நிலையில் தற்போது மீண்டும் இந்த வீடியோ வைரலாகிவருவது குறிப்பிடத்தக்கது.
Subscribe to our Youtube Channel News21Tamil for the latest News updates.
