தமிழ் சினிமாவில் பல வெற்றிப்படங்களை தயாரித்தவர் கிருஷ்ணகாந்த். தனுஷின் நடிப்பில் வெளிவந்து மாபெரும் வெற்றிபெற்ற திருடா திருடி படத்தை தயாரித்தவர் இவர்தான்.
தனுஷை கமர்ஷியல் ஹீரோவாக சினிமா ரசிகர்களிடம் கொண்டுசேர்த்து அவரின் மார்க்கெட் உயர காரணமாக இருந்தவர் கிருஷ்ணகாந்த்.
அதைத்தொடர்ந்து அதே தனுஷ் நடிப்பில் வெளிவந்த புதுக்கோட்டையிலிருந்து சரவணன் படத்தையும் தயாரித்தார். எப்படி தனுஷிற்கு திருடா திருடி படத்தை தயாரித்து அவருக்கு ஒரு திருப்புமுனையை ஏற்படுத்தி கொடுத்தாரோ, அதேபோல் சிம்புவிற்கும் மன்மதன் படத்தை தயாரித்து திருப்புமுனையை ஏற்படுத்தி கொடுத்தார்.
2004 ஆம் ஆண்டு சிம்புவின் கதை திரைக்கதையில் உருவாகி வெளிவந்த படம் தான் மன்மதன். இப்படம் சிம்பு திரைவாழ்க்கையில் மிக முக்கியமான படமாக அமைந்தது.
இப்படத்தை தயாரித்து சிம்புவிற்கு பெரும் திருப்புனுமையை ஏற்படுத்திக்கொடுத்தார் கிருஷ்ணகாந்த். அதைத்தொடர்ந்து விக்ரம் நடிப்பில் பிரபு சாலமன் இயக்கத்தில் வெளியான கிங் படத்தையும் தயாரித்தார்.
இந்நிலையில் கடந்த 2020 ஆம் ஆண்டு இவர் உடல்நலக்குறைவால் காலமானார். இவருக்கு லட்சுமி என்ற மனைவியும் இரு மகன்களும் உள்ளனர். இவரது மறைவிற்கு பிறகு அவரது மனைவி மற்றும் இரு மகன்கள் மிகவும் கஷ்டப்பட்டுள்ளனர். இருப்பதற்கு சரியான வீடு கூட இல்லாமல் கஷ்டப்பட்ட இவர்களுக்கு சிம்பு லீசுக்கு வீடு வாங்கி கொடுத்துள்ளார்.
தற்போது சென்னையில் வசித்து வரும் இவர்களுக்கு சிம்பு லீசுக்கு வீடு வாங்கி கொடுத்துள்ளார். மேலும் தான் மன்மதன் 2 படத்தை வருங்காலத்தில் எடுக்கப்போவதாகவும், அதை எடுத்து முடித்தபின் சொந்தமாக வீடு வாங்கி தருவதாகவும் கூறியுள்ளார் சிம்பு.
இதனை கேள்வி பட்ட ரசிகர்கள், என்னதான் தனுஷ் தனக்கு ஆரம்பகாலகட்டத்தில் ஹிட் கொடுத்து தூக்கிவிட்ட தயாரிப்பாளரை மறந்தாலும், சிம்பு அதை மறவாது அவருக்கு உதவியுள்ளார்.
எனவே சிம்பு பழசை மறக்காது தக்க நேரத்தில் உதவி செய்துள்ளார் என ரசிகர்கள் அவரை பாராட்டி வருகின்றனர் எனபது குறிப்பிடத்தக்கது.
Subscribe to our Youtube Channel News21Tamil for the latest News updates.
