‘மாஸ்டர்’ படத்தின் வெற்றியை தொடர்ந்து தற்போது பீஸ்ட்’ படத்தில் நடித்து முடித்துள்ளார் விஜய். இந்தப்படத்தின் புரோமோஷன் நிகழ்ச்சி சன் டிவியில் நேற்றைய தினம் நடைபெற்றது.
கிட்டத்தட்ட பத்து வருடங்களுக்கு பிறகு இயக்குனர் நெல்சனின் கேள்விகளுக்கு விஜய் கலகலப்பாக பதிலளித்தார். இந்த பேட்டி இணையத்தில் செம வைரலாக பரவியது.
சன் பிக்சர்ஸ் தயாரித்துள்ள ‘பீஸ்ட்’ படத்தில் விஜய்க்கு ஜோடியாக பூஜா ஹெக்டே நடித்துள்ளார். கோலமாவு கோகிலா, டாக்டர் படங்களை தொடர்ந்து விஜய் நடிப்பில் ‘பீஸ்ட்’ படத்தை இயக்கியுள்ளார் நெல்சன் திலீப்குமார்.இந்தப்படத்தில் மலையாள நடிகர் ஷைன் டாம் சாக்கோ மற்றும் இயக்குநர் செல்வராகவன் உள்ளிட்டோர் நடித்துள்ளனர்.
கடந்த 2 ஆம் தேதி மாலை வெளியான ‘பீஸ்ட்’ பட டிரெய்லர் ஒரே நாளில் 30 மில்லியன்கள் பார்வையாளர்களால் பார்க்கப்பட்டு சாதனை படைத்தது. படத்தின் டிரெய்லரும் ரசிகர்கள் மத்தியில் மிகப்பெரிய எதிர்பார்ப்பினை கிளப்பியுள்ளது. மால் ஒன்றை ஹைஜாக் பண்ணும் தீவிரவாதிகளிடம் இருந்து மக்களை காப்பாற்றும் இராணுவ வீரராக இந்தப்படத்தில் விஜய் நடித்துள்ளார்.
இந்நிலையில் ‘பீஸ்ட்’ படத்தின் ஆடியோ ரிலீஸ் இல்லாதது ரசிகர்கள் மத்தியில் மிகப்பெரிய ஏமாற்றத்தை அளித்தது. அதனை தொடர்ந்து சன் டிவியில் விஜய்யுடன் நேருக்கு நேர் நிகழ்ச்சி நடைபெற்றது.
இதில் நெல்சன் கேட்ட கேள்விகளுக்கு விஜய் கலகலப்பாக பதிலளித்தார். அப்போது ஜார்ஜியாவில் ஷுட்டிங் முடிந்த பின்பு விஜய் சர்ச் சென்றது பற்றியும், உங்களுக்கு கடவுள் நம்பிக்கை உள்ளதா என்றும் கேள்வி எழுப்பினார் நெல்சன்.
இதற்கு பதிலளித்த விஜய் எனக்கு கடவுள் நம்பிக்கை உள்ளது. பிள்ளையார்பட்டி கோவிலுக்கு போயிருக்கேன். கடப்பா தர்காவுக்கு போயிருக்கேன். எல்லா கடவுளையும் நான் வணங்குவேன்.
அங்கெல்லாம் போகும் பொது ஒரு மனஅமைதி கிடைக்குது. என்னோட பசங்களுக்கும் நான் இதைத்தான் சொல்லி கொடுக்கிறேன் என கூறியுள்ளார் விஜய்.
உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.
முகநூலில் @SeithiLK, டிவிட்டரில் @SeithiLK மற்றும் டெலிக்ராமில் https://t.me/SeithiLK என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது செய்தி செயலியை பதிவிறக்குங்கள்!!
Android Link – https://bit.ly/3JWB0En
Subscribe to our Youtube Channel News21Tamil for the latest News updates.
