Sun, May9, 2021
Homeவிநோதம்ஒரு பக்க மார்பகம் மட்டும் வளரும் அரிய நோயால் பாதிக்கப்பட்ட இளம்பெண்!

ஒரு பக்க மார்பகம் மட்டும் வளரும் அரிய நோயால் பாதிக்கப்பட்ட இளம்பெண்!

Poland Syndrome எனும் அறிய நோயால் பாதிக்கப்பட்டுள்ளார் பெக்கா எனும் 23 வயது இளம்பெண். இவருக்கு ஒரு பக்க மார்பகம் மட்டும் தான் வளர்ச்சி அடைந்து வருகிறது. செயற்கையாக மற்றொரு மார்பகத்தை சரி செய்யலாம் என்ற போதிலும்.. தன்னை இந்த நிலையுடன் விரும்புவோர் மட்டும் விரும்பட்டும், என செயற்கை சிகிச்சை மேற்கொள்ள மறுத்துவிட்டார்.

தற்போதைய உலகில் பெண்களுக்கு உடல் அழகு என குறிப்பிடப்படும் பாகங்களில் மார்பகத்திற்கு முக்கிய பங்கு கொடுக்கப்பட்டுள்ளது. மேலை நாடுகளில் பெண்களின் மார்பகங்களை செயற்கையாக அழகுப்படுத்தும் சிகிச்சை முறைகள் பெருமளவு அறிமுகப்படுத்தப்பட்டுள்ளது.

கேளிக்கை துறையை சார்ந்தவர்கள் முதல் சாமானியர் வரை இவ்வகையிலான சிகிச்சைகளை எடுத்துக் கொள்கிறார்கள். இதனால், நிறைய பேர் பக்கவிளைவுகளை உடல் ரீதியாக, ஆரோக்கிய ரீதியாக சந்தித்துள்ளனர் என்பதே நிதர்சனம்.

இப்படியான சூழலில், ஒரு பக்க மார்பு மட்டுமே கொண்டதாக குறிப்பிடப்படும் அந்த பெண் “லேட் டெவலப்பர்” என்னும் அரிதான மருத்துவ நிலையை கொண்டே பிறந்துள்ளார் என கூறப்படுகிறது. அவருக்கு இரு பக்கங்களும் மார்பகம் வளர்வதற்கு பதிலாக விந்தையாக ஒரு பக்க மார்பகம் மட்டுமே வளர்ந்துள்ளது.

தென் யார்கஷயரில் உள்ள பார்ன்ஸ்லியை சேர்ந்தவர் பெக்கா புட்சர் இவருக்கு 23 வயதாகிறது. அவருக்கு போலந்து (Poland Syndrome) என்னும் நோய்க்குறி இருந்தது. இதன் காரணமாக அவருடைய ஒரு பக்க மார்பகமானது மற்றொன்றை விட சிறியதாக இருக்கிறது.

எந்த ஒரு விஷயத்தையும் சமூகம் கேலியாக அணுகும்போது அது நமக்கு மிகுந்த பாதிப்பை ஏற்படுத்தும். உலகில் குறைப்பாடுள்ள அனைத்து மனிதர்களும் இதற்கு ஆளாகுகின்றனர். அதே போல பெக்காவையும் இந்த மார்பக குறைப்பாடு காரணமாக அவருடைய வகுப்பு தோழர்கள் கேலி செய்துள்ளனர். மேலும் அவரை எந்த ஆணும் காதலிக்க மாட்டார்கள் என அவர்கள் கூறியுள்ளனர்.

ஆனால் இதை சரி செய்வதற்கான வழி உள்ளது என்.ஹெச்.எஸ் எனும் சிகிச்சை முறையானது மார்பகத்தை பெரிதாக்குவதற்கான சிகிச்சை முறையாகும். ஆனால் அதை செய்துக்கொள்ள பெக்கா மறுத்துவிட்டார். அவர் “இதை சரி செய்ய வேண்டிய அவசியமில்லை” என கூறிவிட்டார். அவர் மருத்துவர்களிடம் தனக்கு அறுவை சிகிச்சை தேவையில்லை என கூறிவிட்டார். “நான் எனது மார்ப்பகத்தை சரி செய்ய விரும்பவில்லை. அதனுடன் எப்படி வாழ்வது என்பதை அறிந்துக்கொள்ளவே நினைக்கிறேன்” என கூறியுள்ளார்.

போலந்து நோய்க்குறி உள்ளவர்கள் பிறப்பு முதலே மார்பு தசைகள் வளராமல் இருக்கும் பிறப்பு குறைப்பாட்டை அடைகின்றனர். இந்த நோய்க்குறியால் சிலருக்கு உடலின் ஒரு பக்கத்தில் சிறிய விரல்கள் வளர்வதும் உண்டு.

இந்த நோய்க்குறியால் பாதிக்கப்பட்டவர்களில் இந்த நிலை ஆண்களுக்கே அதிகம் காணப்படுகிறது. இந்த நோய் 10000 பேர்களில் ஒருவரை பாதிக்கிறது. இவ்வாறு பாதிக்கப்படும் பெண்கள் இந்த அரிய நிலையை பற்றி பேச வைக்க அவர்களை தன்னால் ஊக்குவிக்க முடியும் என பெக்கா நம்புகிறார்.

பருவமடைந்த காலம் முதலே இந்த வித்தியாசத்தை கவனித்து வருவது குறித்து பெக்கா பேசுகிறார். தனது மற்ற ஒரு மார்பகம் வளரும் வரை தான் உள்ளாடை அணிவதில் பயன் இல்லை என்றே முதலில் அவர் நினைத்ததாக கூறுகிறார்.

அவர் கூறும்போது “ என் மார்பகங்களில் ஒன்று பெரிதாக இருப்பதால் அதற்கு உள்ளாடை தேவைப்படுகிறது. ஆனால் மற்ற ஒரு மார்பகம் வளரும் வரை நான் அதை அணிவதில் அர்த்தமில்லை என்று நான் நினைத்தேன்.

அப்போது என் நண்பர் ஒருவர் என்னிடம் கூறினார். “உங்களுடைய மார்பகமானது ஒன்றை விட மற்றொன்று பெரியதாக இருப்பது உங்களுக்கு தெரியுமா? என கேட்டார்.

இதனால் நான் உள்ளாடை அணிய வேண்டியிருந்தது. ஆனால் நான் சிறிய மார்பகத்துக்கு பொருந்த கூடிய அளவிலேயே எனது உள்ளாடையை வாங்கினேன்.” என அவர் கூறியுள்ளார்.

தனது பதின்பருவ காலத்தில் அவர் பல முறை மருத்துவரை சந்தித்தாக கூறியுள்ளார். ஆனால் அவருக்கு தக்க பருவம் வராத காரணத்தால் அதை பற்றி அவர் கவலைப்பட தேவையில்லை என மருத்துவர் கூறியுள்ளார்.

மருத்துவர் தக்க பருவம் வரும் என கூறினாலும் அவரது ஒரு மார்பகம் மட்டும் வளர்ந்து வருவதால் அவர் இதுக்குறித்து ஆராய்ச்சி செய்ய துவங்கினார். இணையத்தில் இதுப்பற்றி தேடியப்போது பெக்கா கொஞ்சம் அதுப்பற்றி அறிய துவங்கினார்.

இதுப்பற்றி மேலும் அவர் கூறும்போது “நான் எனது 15 அல்லது 16 வயதில் மருத்துவர்களிடம் சென்றேன். அவர்கள் இது சாதரணமானது, இதுக்குறித்து கவலைப்பட வேண்டாம். நீங்கள் “லேட் டெவலப்பர்” என்பதால் உங்கள் பருவமடைதல் இன்னும் முடிவடையவில்லை என கூறினார்.

இதனால் நான் ஒவ்வொரு ஆறு மாதங்களுக்கு ஒரு முறையும் மருத்துவர்களை அணுகினேன். ஒரு நாள் காலையில் எழுந்திருக்கும்போது மாயமாக எனக்கு இரண்டு மார்பகங்கள் இருக்கும் என்றெல்லாம் நான் நினைத்ததுண்டு. ஆனால் ஆன்லைனில் தேடிக்கொண்டிருந்த போது அது போலந்து நோய்க்கான அறிகுறி என்பதை அறிந்தேன்.

இது பெரும்பாலும் ஆண்களுக்கு ஏற்படும் பிரச்சனையாகவே உள்ளது. இது ஆண்களுக்கு பொதுவான பிரச்சனை என்பதால் பெண்களுக்கு வரும் என யாரும் எதிர்ப்பார்க்கவில்லை. இந்த குறைப்பாட்டால் தான் மார்பின் வித்தியாசம் ஏற்படுகிறது.

எனவே அதன் பிறகு நான் மீண்டும் மருத்துவரை சந்தித்து இது போலந்து நோய்க்கான அறிகுறியாக இருக்கும் என நான் சந்தேகிக்கிறேன் என கூறினேன். அப்போது மருத்துவர் நான் அப்படி ஒரு நோயை கேள்விப்பட்டதே இல்லையே என கூறியுள்ளார்.

இதற்கு பிறகு பெக்கா தனது அனுபவங்களை ஆன்லைனில் பகிந்துக்கொள்ள துவங்கினார். மேலும் அவர் இந்த நோய்க்குறியால் பாதிக்கப்பட்ட பிற பெண்களையும் ஒரு குழுவாக அதில் இணைத்துள்ளார்.

பல பெண்கள் தங்கள் வாழ்நாள் முழுவதுமே இந்த பிரச்சனைகளுடன் வாழ்ந்ததாக அவரிடம் கூறியுள்ளார். இன்னும் சிலர் கூறும்போது தங்கள் மார்பகங்களை மற்றவர்களுக்கு காண்பிப்பதில் அவர்கள் கவலைப்படுவதால் அவர்களுக்கு ஒரு போதும் ஒரு ஆண் நண்பர் இல்லை என கூறியுள்ளனர்.

இதுக்குறித்து பெக்கா கூறும்போது ”முதலில் இது ஆணுக்கு மட்டுமே வரக்கூடிய பிரச்சனை எனத்தான் நான் நினைத்தேன். அதனால் இதுக்குறித்து நான் பேசவில்லை. சுமார் 17 அல்லது 18 வயதில் இதே போல உணர்வுள்ள இளம் பெண்கள் இருக்க வேண்டும் என நான் நினைத்தேன். அது உண்மைதான். இப்போது மற்ற பெண்களும் அவர்கள் மட்டுமே இப்படியான பிரச்சனையில் இல்லை என்பதை அறிந்து இருப்பார்கள்.

இதற்காக நான் ஒரு யூ ட்யூப் வீடியோவை உருவாக்கினேன். ஏனென்றால் இதை அனைத்து பெண்களும் அறிந்துக்கொள்ள வேண்டும். கடந்த இரண்டு ஆண்டுகளில் பல பெண்களிட இருந்து நான் ஆலோசனை பெற்று வருகிறேன்.

நிறைய பெண்கள் எனக்கு ஒரு போதும் ஒரு ஆண் நண்பன் இல்லை என என்னிடம் கூறியிருந்தனர். ஏனெனில் யாரோ ஒருவர் தங்கள் மார்பை பார்த்தால் அவர்கள் அதனால் பயப்படக்கூடும் என அந்த பெண்கள் கூறியிருந்தனர்.

சரியான ஒரு நபர் உங்களுக்காக மட்டுமே உங்களை நேசிப்பார். உங்கள் குறைகளை அவர் பார்க்க மாட்டார் என நான் அவர்களுக்கு ஆறுதல் அளிப்பேன். உங்களது மார்பின் காரணமாக யாராவது உங்களை நேசிக்கவில்லை என்றால் அவர் உங்கள் உணர்வை மதிக்கமாட்டார் என பொருளாகும். உங்கள் உணர்வுகளை விட உங்கள் மார்புகளின் மீது அக்கறை காட்டினால் அவர்கள் நல்ல மனிதர்களாக இருக்க வாய்ப்புகள் இல்லை. என்று பெக்கா கூறியுள்ளார்.

தற்சமயம் பெக்கா தனது காதலனுடன் அன்பாக உறவில் இருக்கிறார். இதுக்குறித்து அவர் விளக்கும்போது “நான் மருத்துவமனையில் மார்பக நிபுணர்களிடம் அனுப்பப்பட்டேன். அவர் எனக்கு சிகிச்சை அளித்து மார்பை சரி செய்வதாக கூறினார். ஆனால் நான் அறுவை சிகிச்சை பெற விரும்பவில்லை.” என்று அவர் கூறியுள்ளார்.

தற்சமயம் இந்த மார்பகங்களை ஏற்றுக்கொண்டு அவர் தனது காதலனுடன் வாழ துவங்கியுள்ளார்.

இலங்கையின் அன்றாட நிகழ்வுகள், அரசியல் சம்பவங்கள், சமூகம் சார்ந்த நிகழ்வுகள் மற்றும் பல செய்திகளை சுடச் சுட உங்களுக்கு அளித்து வரும் எங்கள் இணையதளத்தின் புதிய வரவு செய்தி தமிழ் மொபைல் ஆப்.

இதுபோன்ற செய்திகளை உடனுக்குடன் TELEGRAM இல் பெறுவதற்கு இந்த லிங்கை கிளிக் செய்யவும்… https://t.me/LkSeithi