Sun, May9, 2021
Homeசினிமாஒரே நேரத்தில் 5 மொழிகளில் வெளியான மாநாடு டீசர்... ஏன் தெரியுமா?

ஒரே நேரத்தில் 5 மொழிகளில் வெளியான மாநாடு டீசர்… ஏன் தெரியுமா?

‘ஈஸ்வரன்’ படத்தின் ரிலீசுக்கு பின், நடிகர் சிலம்பரசன் நடித்துள்ள ‘மாநாடு’ படத்தின் டீசர் அவரது பிறந்தநாளை முன்னிட்டு வெளியாகியுள்ளது.

வெங்கட் பிரபு இயக்கத்தில் நடிகர் சிம்பு நடித்து வரும் ‘மாநாடு’ படத்தை சுரேஷ் காமாட்சியின் வி ஹவுஸ் நிறுவனம் தயாரித்து வருகிறது.

அரசியல் பின்னணியில் பிரம்மாண்டமாக உருவாகி வரும் இந்தப்படத்தில் அப்துல் காலிக் என்கிற இஸ்லாமிய இளைஞன் கதாபாத்திரத்தில் சிலம்பரசன் TR நடித்து வருகிறார்.

சில நாட்களுக்கு முன்பு, இந்தப்படத்தில் வித்தியாச தோற்றங்களில் சிலம்பரசனின் கதாபாத்திர போஸ்டர்கள் வெளியாகி ரசிகர்களிடம் வியப்பை ஏற்படுத்தின. மேலும் இந்த படத்தின் மீது ரசிகர்களுக்கும் எதிர்பார்ப்பு ஏற்பட்டது.

இந்தநிலையில் சிலம்பரசனின் பிறந்தநாளான இன்று சற்று முன்னர், 2.34 மணியளவில் ஒரே நேரத்தில் ஐந்து மொழிகளில் இந்தப்படத்தின் டீசர் வெளியாகியுள்ளது.

‘மாநாடு’ படத்தின் டீசரை தமிழில் இசைப்புயல் ஏ.ஆர்.ரஹ்மான், இந்தியில் இயக்குநர் அனுராக் காஷ்யப், மலையாளத்தில் நடிகர் பிரித்விராஜ், தெலுங்கில் நடிகர் ரவிதேஜா மற்றும் கன்னடத்தில் நடிகர் கிச்சா சுதீப் ஆகியோர் வெளியிட்டு படத்திற்கு பெருமை சேர்த்துள்ளனர்.

தமிழ் தவிர மற்ற மொழிகளில் இந்தப்படத்திற்கு ரீவைண்ட் எனப் பெயர் வைக்கப்பட்டுள்ளது.

முதன்முறையாக சிலம்பரசனின் பட டீசர் தமிழ் மட்டுமல்லாது மலையாளம், தெலுங்கு, கன்னடம் மற்றும் இந்தி என ஐந்து மொழிகளில் ஒரே நேரத்தில் வெளியிடப்பட்டுள்ளதன் மூலம் தனது பிறந்தநாளில் திரையுலகப் பயணத்தில் புதிய மைல்கல்லை எட்டியுள்ளார் .