அமெரிக்கா, கனடா, பிரான்ஸ் உள்ளிட்ட அனைத்து நாடுகளுக்கும் ETA கட்டாயம்: UK அதிரடி அறிவிப்பு
விசா இல்லாமல் UKக்கு செல்ல அனுமதி பெற்றுள்ள 85 நாடுகளின் குடிமக்கள் — குறிப்பாக அமெரிக்கா, கனடா, பிரான்ஸ் போன்ற நாடுகள் — இனிமேல் Electronic Travel Authorisation (ETA) பெறுவது கட்டாயமாகும்.
Editorial Staff 
2026 பிப்ரவரி 25 முதல், எந்த பயணியும் முன் அனுமதி பெறாமல் ஐக்கிய இராச்சியத்துக்குள் செல்ல முடியாது என UK அரசு அறிவித்துள்ளது. விசா இல்லாமல் UKக்கு செல்ல அனுமதி பெற்றுள்ள 85 நாடுகளின் குடிமக்கள் — குறிப்பாக அமெரிக்கா, கனடா, பிரான்ஸ் போன்ற நாடுகள் — இனிமேல் Electronic Travel Authorisation (ETA) பெறுவது கட்டாயமாகும்.
UK குடியேற்ற அமைப்பை முழுமையாக டிஜிட்டலாக்கும் முயற்சியின் ஒரு பகுதியாக இந்த முடிவு எடுக்கப்பட்டுள்ளது. எதிர்காலத்தில் தொடர்பு இல்லாத (contactless) எல்லைச் சோதனை முறையை உருவாக்க இது முக்கிய படியாகும். பயணிகள் ETA அல்லது eVisa இல்லாமல் விமானத்தில் ஏற முடியாது; விமான நிறுவனங்கள் இதை முன்கூட்டியே சரிபார்க்கும் பொறுப்பு பெறுகின்றன.
2023 அக்டோபரில் ETA அறிமுகமானதிலிருந்து, 1.33 கோடி பயணிகள் இதை பயன்படுத்தி வேகமான நுழைவு செயல்முறையால் பயனடைந்துள்ளனர். UK வழியாக transit பயணம் செய்யும் பயணிகளுக்கும் ETA அவசியம் என கட்டுப்பாடுகள் வலுப்படுத்தப்பட்டுள்ளன.
UK குடியேற்றத்துறை அமைச்சர் மைக் டாப்ப் கூறியதாவது, ETA நாட்டின் பாதுகாப்பை மேம்படுத்துவதோடு, அபாயம் ஏற்படுத்தக்கூடிய நபர்களை முன்கூட்டியே கண்டறியவும் உதவுகிறது. மேலும் இது பயணிகளுக்கு சிரமமற்ற, சீரான நுழைவு அனுபவத்தை வழங்குகிறது.
ETA விண்ணப்பம் அதிகாரப்பூர்வ UK ETA செயலி மூலம் செய்யலாம்; கட்டணம் £16. பெரும்பாலான விண்ணப்பங்களுக்கு நிமிடங்களிலேயே அனுமதி கிடைக்கிறது. ஆனால் சிலசமயங்களில் 3 வேலை நாட்கள் வரை காத்திருக்க வேண்டி இருக்கலாம் என அரசு அறிவுறுத்துகிறது.
பிரிட்டிஷ் மற்றும் ஐரிஷ் குடிமக்களுக்கு ETA தேவையில்லை.
இரட்டைப் பிரிட்டிஷ் குடிமக்கள் UKக்கு பயணம் செய்யும்போது, செல்லுபடியாகும் பிரிட்டிஷ் பாஸ்போர்ட் அல்லது entitlement சான்று வைத்திருக்க வேண்டும்; இல்லையெனில் விமான ஏற்றத்திலேயே தடுக்கப்படும் அபாயம் உள்ளதாக அரசு எச்சரிக்கை வழங்கியுள்ளது.
